InfoHub Logo

Tanymal bloger-ustaz Bákijan Kákim muǵalimder attestasıasy tóńireginde bolyp jatqan jaǵdaıǵa qatysty alańdaýshylyǵyn bildirdi. Ol Oqý-aǵartý mınıstrliginiń attestasıa kezinde engizgen jańa talaptaryn synǵa alyp, bul júıeniń muǵalimderdi qorlaýmen para-par ekenin aıtty.

Bul týraly Infohub.kz aqparat agenttigi habarlaıdy.

Attestasıa talaptaryna narazylyq

Bloger óz pikirinde qazirgi Oqý-aǵartý mınıstrliginiń muǵalimder attestasıasynda jasap jatqan jańalyqtaryn qatań synap: "Eki ortada prezıdentti jaman atty qylady ǵoı osylaı júrip. "OZP" tapsyrmaısyńdar dep, tapsyrtyp jatyr. Qaǵazbastylyqtan qutylasyńdar dedi, aqyry qutyldyq. Dym ózgermedi. Pedagog-sheberge qoıylatyn talap ýnıversıtetterdiń ǵalymdaryna qoıylatyn talaptarmen birdeı boldy. Oqýshylarmen aınalysaıyqshy, ótinish! Bilim sapasyn kóterý úshin, oqýshylarǵa kóbirek ýaqyt bólýimiz kerek sekildi. Bul jerde bas qatyratyn eshqandaı arıfmetıka joq", - dedi.

Muǵalimderdiń jappaı narazylyǵy

Bákijan Kákimniń bul pikirine áriptesteri de qosylyp, ózderiniń narazylyqtaryn jasyrmady. Pikir bildirgen pedagogter "Bul muǵalimdi qorlaý ǵoı!", "Bir túsingenim - mektepten ketý kerek. Dym jaqsarady degen úmit joq", "Muǵalimderdi qorlap otyr???? Aqsha bermeýdiń amaly.......????? Átteń tonnyń kelesi.......?????" degen sıaqty oılaryn jetkizip, ashýǵa erik berdi.