InfoHub Logo

Qazaq ádebıeti
9 - synyp
Sabaqtyń taqyryby: Ǵabıt Músirepov shyǵarmashylyǵyndaǵy ana, áıel taqyryby. «Ulpan» romanyndaǵy Ulpan obrazy.

Sabaqtyń maqsaty:
1) Bilimdilik: Oqýshylarǵa romannyń mazmunyn, ıdeıasyn, taqyrybyn uǵyndyrý; «Ulpan» romanynyń qazaq prozasynyń ishindegi ana beınesin jasaýdaǵy shoqtyǵy bıik óner týyndysy ekenin tanytý.
2) Damytýshylyq: Basty keıipkerler ómirde bolǵandyǵyn, onyń tarıhı tıptik obrazdaryn oqý men jazý arqyly óz ara keńese otyryp, jeke jáne toptyq júıede talqylaý jumysyna úıretý.
3) Tárbıelik: Asyldyń synyǵyndaı ardaqty, kıeli tarıhı adamdardyń beınesin tanı bilýge baýlý, Ulpan ananyń boıyndaǵy jaqsy qasıetterdi dáripteı otyryp, úlgi etý.

Sabaqtyń kórnekiligi: marker, aq paraq, kýbık, tirek syzbalar, elektrondy oqýlyq (Qazaq prozasyndaǵy analar beınesi), ınternet materıaldary.
Sabaqtyń ádisi: toptastyrý, iz qýalaý, semantıkalyq karta, salystyrý syzbasy, kýbızm, esse.
Sabaqtyń túri: shyǵarmashylyq - izdenis sabaǵy
Sabaqtyń tıpi: jańa bilimdi meńgertý
Sabaqtyń barysy:

İ. Uıymdastyrý kezeńi:
1. Oqýshylardyń nazaryn sabaqqa aýdarý
2. Oqýshylardy oıyn arqyly topqa bólip otyrǵyzý.

İİ. Ótken sabaqty pysyqtaý
Kirispe: Óresi bıik óner ıesi, ádebıetke 20 - jyldardyń ekinshi jartysynda kelgen abzal aǵa, jazýshy Ǵabıt Mahmutuly Músirepovtyń qalamynan týǵan birneshe shyǵarmalarymen, mazmunymen, taqyrybymen tanysyp keldik. Olaı bolsa, oı jınaqtaý úshin mynadaı suraqtar beriledi:
1. Ǵ. Músirepovtyń alǵashqy kólemdi týyndysy qaısy, onda ómirdiń qandaı shyndyǵy beınelenedi?
2. 1928 jyly jazylǵan prozalyq shyǵarmasy qandaı, onda qandaı ómir baıandalady?
3. Ǵ. Músirepovtyń satıralyq áńgimelerindegi ómir shyndyǵy («Talpaq tanaý», «Shuǵyla»).
4. Ǵ. Músirepov satıralyq áńgimelerinde qandaı obrazdar kúlkili, ájýamen synalyp, mineledi?
5. «Áńgimeshi Ǵ. Músirepov – adam janynyń zertteýshisi» dep aıtýymyzdyń sebebin túsindirińizder.

İİİ. Jańa sabaq
Tómendegi syzba arqyly oqýshylar oıyn jınaqtap, jańa sabaqqa baǵyt - baǵdar beremin.
Ǵ. Músirepovtyń shyǵarmalary qandaı taqyryptarǵa arnalady?
Jaýap: Otan, týǵan jer, ónidiris, tabıǵat, mahabbat, erlik.
Ana, áıel: er ana, Aqlıma, ananyń anasy, Ulpan, ananyń arashasy.
İshinara toptastyrý jasaý arqyly jazýshynyń búgin «Ulpan» romanyndaǵy Ulpan obrazyn taldap, kim ekenin tanıtynymyzdy eskertemin.

Úıge berilgen tapsyrmalar negizinde qurylǵan sújettik jospar boıynsha «Ulpan» romanyn bólimderge bólip, taqyrypsha qoıý.
Sújettik jospar: (joba)
1. Eseneıdiń anasy İ top
2. Ámeńgerlik İİ top
3. Kúshik kúıeý İİİ top
Osy jospar boıynsha romandy mazmundatý. Mazmunmen tanysyp bolǵan soń, 3 topqa Ulpan beınesin taldaý úshin 3 túrli tapsyrma beremin.
İ top. «İz qaldyrý» ádisi boıynsha Ulpanǵa baılanysty oqıǵalardy terip, betterin oqýlyqtan anyqtaıdy.

Taqyrypsha
Bólim
Betteri

İİ top. Sımantıkalyq karta jasaý arqyly Ulpannyń elge jasaǵan qyzmeti jáne Ulpan jaıly jurttyń pikirin oqýlyqtan jınastyrý.
Ulpan – ult anasy, el anasy, halyq anasy.
Ulpannyń elge jasaǵan qyzmeti -------------------------------- Ulpan jaıly el – jurttyń pikiri

İİİ top. Elektrondyq oqýlyqtan alǵan áserleri arqyly M. Áýezovtiń «Abaı joly» romanyndaǵy Uljan ana men Ulpan beıneleriniń erekshelikteri men ortaq qasıetin anyqtaý.
Uljan --------------------------------- Ortaq qasıetteri ----------------------------------- Ulpan

Romandaǵy basty keıipkerimiz Ulpan ananyń beınesin tanytý úshin osyndaı ádister qoldanyp, oqýshylardyń óz betinshe izdene jumys jasaýyna jol ashamyz.

İÚ. Jańa sabaqty qorytý.
Jańa sabaqty qorytýǵa kýbızm tásilin qoldanamyn. Ulpan beınesin ashýǵa negiz bolarlyq naqty suraqtar beriledi. Oqýshynyń kóz qarasy men óz pikirin qorǵaý sheberligi esepke alynady.
1. Sýretteńiz: Romanǵa kompozısıalyq jospar jasa.
2. Salystyryńyz: 20 - jyldarda jazylǵan ana, áıel beınesi kórinetin shyǵarmalar men «Ulpan» romanyn salystyryńyz.
3. Zertteńiz: Shyǵarmada sheshendik sózder, maqal - mátelderdiń qoldanylý mánin túsindirińiz.
4. Qoldanyńyz: Romannan úzindi alyp, róldik oıyn, kórinis daıarlańyz.
5. Elestetińiz: Ulpan qaıtalanbas birtýar uly tulǵa ekenin, Ulpandaı el anasy aramyzda bar ma degen suraqtarǵa jaýap izdep, eles jeteleńiz.
6. Qarsy shyǵyńyz: Romanda avtormen kelispeıtin oqıǵalar men ıdeıalarǵa qarsy shyǵyńyz, óz pikirińizdi qorǵańyz.

Esse jazý: Ǵ. Músirepov ana taqyrybyndaǵy shyǵarmalarynan qandaı oı túıdińder?
Ú. Baǵalaý.
Úİ. Úıge tapsyrma: Ǵ. Músirepovtyń áńgimelerin oqyp, taqyryby men ıdeıasyn anyqtaý.