InfoHub Logo

Taqyryby: «Merekeli bereri mol Altyn kúz!»
Maqsaty:
Bilimdilik: Tabıǵattyń erekshe maýsymy - kúz týraly bilimderin tereńdetip, dúnıetanymdaryn arttyrý.
Damytýshylyq: Mádenı is - sharalarda belsendilik tanytyp, kópshilik aldynda óz ónerlerin kórsete bilý daǵdysyn qalyptastyrý.
Tárbıelik: Estetıkalyq talǵamdaryn qalyptastyryp, ásemdikke, ádemilikke jáne tabıǵatty aıalaýǵa tárbıeleý.
Sabaqtyń túri: Oıyn – saıys.
Kórnekilikter: Kúz taqyrybyna shyǵarylǵan gazetter, arnaıy slaıdtar, sharlar, gúlder.
Sabaqtyń barysy: 1. «Sálem sózdiń anasy» oıynshylardyń ózin - ózi tanystyrýy
2. «Aqyl kórki bilimde» bıologıalyq vıktorına
3. «Jetkizer óner muratqa» oıynshynyń óneri
4. «Kim jyldam» eptilik saıysy
5. «Sheber qoldar» saıysy
6. «Kúz syıy» salattar saıysy
1 - júrgizýshi: Armysyzdar qurmetti kórermender! «Merekeli bereri mol Altyn kúz!» saıysyna qosh keldińizder!
Barshańyzǵa bir sálem! Iá sonymen qalamyzdy altyn nurǵa bólep, kúz merekesi de kelip jetti. Kúzben ilese kelgen qýanyshty kúnde búgin bizdiń mekteptiń aqylyna kórki, sózine isi saı boıjetkenderi óz ónerlerin kórsetýge asyǵýda.
2 - júrgizýshi: Toı dep búgin kóńil shirkin tasady,
Toı dep búgin halqym shashý shashady.
Mekteptegi búgin bolar saıystyń,
Ánshi shyǵyp shymyldyǵyn ashady.
(Ortaǵa «Kúzgi baqta» ánimen Tólegenova Aısary shyǵady)
1 - júrgizýshi: Aqqýdyń qanatymen ilesken kúz,
Gákkýdiń áýenimen úndesken kúz
Qyzdardyń kúlkisimen jańǵyrǵan kúz,
Qambany aq bıdaıǵa toltyrǵan kúz!
2 - júrgizýshi: Aqqý qazdar ándetken aqjarqyn kúz,
Tyrnalar qosh aıtysqan aıaýly kúz.
Jigitterge dem bergen tilekshi kúz,
Qysqa azyq jınatqan eńbekshi kúz!
1 - júrgizýshi: Óner bilim, ónege tunǵan daryn,
Ónerlige óz basym tań qalamyn.
Arýlardy ádildikpen baǵalaıtyn,
Aıtaıyn ádil qazy alqalaryn.
1. bıologıa pániniń muǵalimi
2. qazaq tili men ádebıeti páni muǵalimi
3. tarıh pániniń muǵalimi
2 - júrgizýshi: Myń buralǵan arýlar ańdap basyp,
Keledi mine ortaǵa tolqyp tasyp.
Arýlaryn syılaǵan halqym meniń
Qyzdardy qoshemetpen qarsy alaıyq.
( qyzdar ortaǵa shyǵady)
1 - júrgizýshi: Minezi ashyq, jarqyn, júzi jyly,
Túrinen kórinedi ishki syry.
Maqpaldaı keldi mine bilimdi qyz,
Aspannan shashylǵandaı kúnniń nury.
2 - júrgizýshi: Synyptastar arasynda ardaqty,
Minezi bar baıypty da salmaqty.
Shaqyraıyq ortaǵa Ádemini,
Kórsetsin dep bar ónerin jan - jaqty
1 - júrgizýshi: Qandaı ásem kórikti úlbiregen,
Kórsetedi ónerin tebirentken.
Jibek atty arýym shyqty ortaǵa,
Daıyndyqpen saıysqa búgin kelgen.
2 - júrgizýshi: Kelbetine boıy saı,
Aqylyna isi saı
Aqbaıan atty bir qyz bar
Dostyqqa adal súıkimdi.
1 - júrgizýshi: Gúl kóńiliń qýanyshtan órildi,
Janaryńnan jalyn nury tógildi.
Jyr ushqyndap tur ǵoı áne únińnen,
Tanystyrshy kópshilikke ózińdi.
( qyzdar kezekpen ózderin tanystyrady)
2 - júrgizýshi: Jas arý jas ǵumyrdyń talǵamysyń,
Qýantqan árbir úıdiń armanysyń.
Dál búgin qanat qomdap, synalarda,
San suraqtan súrinbeı, samǵap ushqyn - deı kele kelesi saıysymyz
«Aqyl kórki bilimde» dep atalady. Bul saıysta bıologıa páni boıynsha jáne jalpy qorshaǵan orta tabıǵaty týraly suraqtar men jumbaqtar qoıylady.
1 - júrgizýshi:
1 - jumbaq: Tamyry jerge kómilgen,
Japyraǵy jelek tógilgen.
Baǵyńa jylda egilgen,
Palaýǵa qosyp jediń de,
Atyn onyń dediń ne? (sábiz)
2 - suraq: Tiri aǵzalardy zertteıtin ǵylym qalaı atalady? (bıologıa)
3 - suraq: Qandaı qustardyń attaryn qyzdarǵa qoıady?

Merekeli bereri mol Altyn kúz! júkteý