InfoHub Logo

Búgingi keshtiń ıesi kópti kórgen, qanshama jyl eli úshin eleýli ister atqarǵan aıtýly azamat. "Kóp jasaǵannan emes kópti kórgennen sura " deıdi dana halqymyz.

... eke, sizdi búgingi mereıtoıyńyzben shyn júrekten quttyqtaımn! Alla taǵala adamǵa úsh ret jastyq shaq syılaıdy eken: birinshisi – óz jastyq shaǵynda, ekinshisi – shyn mahabbatqa jolyqqanda, úshinshisi – 100 jasqa tolǵanda.

....eke, birinshisinen óttińiz, ekinshisinen de ótken shyǵarsyz, endi úshinshisi qaldy. Qudaı sizdi sol úshinshi "jastyq shaqqa" da aman-esen jetkizip, ómirińizdi uzarta bersin! Bala-shaǵańyzdyń, nemerelerińizdiń ortasynda temirqazyqtaı qalpyńyzdan taımaı, ómirdiń qyzyǵyna kenelip júre berińiz! Toı toıǵa ulassyn!

*** *** *** ***

Bir ǵasyrdyń jartysyn jasap mine, mereıtoıyńdy toılap otyrsyń. Ýaqyt degen zymyrap ótip jatyr. Osy jasqa kelgenshe taǵdyr - jolyńda kezdesken qanshama tosqaýylǵa tótep berip qashanda jeńiske jete bildiń. Mundaı jetistigińniń de tereń sebebi bar dep oılaımyz.

Mynaý bizge kórshiles jatqan orys ultynda "Qarapaıym ómir súrgen jan júz jasaıdy" degen sóz bar. Osynaý qarapaıym oıdyń astarynda meıirimdi, júregi taza, qınalǵan sátte qol úshin berýge daıyn turatyn, qudaıdan qorqatyn qanaǵatshyl da ımandy adam týraly qanshama túsinik jatyr deseńizshi!

Asa qurmetti......Sen de sondaı madaqqa laıyq qarapaıym ómir súretin jannyń birisiń! Búgin Saǵan osyndaı dastarhanyń 100 jasqa tolǵanyńda da keńinen jaıylsyn degen tilek arnaǵym keledi!

*** *** *** ***

Qýanyshty eseli etsin Táńirim,
Qyzyqty tek óte bersin ómiriń.
Shańyraǵyń toly bolyp shattyqqa,
Ósip-ónsin urpaqtaryń-tamyryń.

Tilek ettim alǵy kúnniń ajaryn,
Sarqylmasyn Ómir-ózen, bazaryń.
Abyroıyń arta túsip únemi,
Haq-táńiri kórsetpesin azabyn.

Qyzyq-shattyq jaqsylyqty kóre ber,
Jurtshylyqtyń alǵysyn tek tere ber.
Bedeliń de artsyn ylǵı ortada,
Eńbegińmen alda ósip-óne ber.

Qutty bolsyn mereıtoıyń, belesiń,
Barlyq jannan maqtaý alyp kelesiń.
Aman bolyp, jasyńa jas qosylsyn,
Alla jazsa, talaı toıdy kóresiń!

*** *** *** ***

Halqymyzdyń erli-zaıypty qadirmendi qarıalary, ...... ul men qyz tárbıelep ósirgen qamqor áke, aıaýly ana, ardaqty ata, asyl ájemizdiń ǵıbratty ǵumyry keıingilerge úlken ónege. Shańyraqtyń úlgili isi, halqymyzdyń asyl qasıetterin ardaq tutqan ónegesi dáripteýge ábden laıyq. Álde de ortamyzda, qyzyq-qýanyshymyzdy bólisip, nemere-shóberelerińdi qyzyqtap, meıirimderińe bólep júre berińdershi!

*** *** *** ***

---