InfoHub Logo

Meshitte aıaǵyn balalarǵa ýqalatqan ımam Ábdýjappar Smanovqa QMDB eskertý jasady,-dep habarlaıdy Infohub.kz.

Túrkistan oblysy, Saryaǵash aýdanyndaǵy Satybaldy Ábishuly atyndaǵy meshittiń ımamy Ábdýjappar Smanovtyń áreketi qoǵamda qyzý talqylanýda. Jelide taraǵan vıdeoda ımamnyń balalarǵa aıaǵyn ýqalatyp otyrǵany kórinip, bul jaǵdaı qoǵamda narazylyq týǵyzdy.

Qazaqstan musylmandary dinı basqarmasy (QMDB) bul oqıǵaǵa baılanysty resmı málimdeme jasap, ımamnyń áreketin ádepke qaıshy dep baǵalady. Uıym meshittiń ǵıbadat úıi, rýhanı ortalyq jáne ıman mektebi ekenin basa aıtty. Osy sebepti meshitte ádep pen qurmet saqtalýy tıis ekenin eskertti.

QMDB atalǵan ımamǵa resmı eskertý jasap, meshit qyzmetkerlerin minez-qulyq normalaryn qatań ustanýǵa shaqyrdy.