InfoHub Logo

Bul tásilge jalqaýlar men tátti qumarlardyń da qaýqary jetedi...

Shokolad jeńiz, segizden keıin keshki as ishińiz jáne sizdi artyq salmaqtan aryltatyn basqa da jaǵymdy zattardy jasańyz.

Aryqtaý úshin bar-joǵy metabolızmdy jyldamdatý kerek. Mundaı stereotıp artyq kelilerden arylýdy maqsat tutqandar arasynda keń taralǵan. Jáne bul tezıs ishinara shyndyqqa saı: aǵza taǵamdy energıaǵa belsendirek óndirgen saıyn, dene betinen artyq maı qyrtystary tezirek ketedi.

Basqa jaǵynan, zat almasý — tıimdi túzetýlerge berile bermeıtin, kúrdeli, asa derbes jáne sońyna deıin zerttelmegen dúnıe.

Alaıda metabolızmdi ýaqytsha jyldamdatýǵa múmkindik bar.

1. Qara shokolad jeńiz

Quramynda kakaosy kóp (70%-dan) shokolad stresske tótep berýge kómektesetini jaıly kóbi biledi. Alaıda bul shokolad plıtkasynda jasyrynǵan bar sıqyr emes eken.

Ǵalymdardyń zertteýi boıynsha, kúndelikti bul kakao-ónimniń 40 gramyn jeıtin bolsa — eki aptadan keıin sizdiń metabolızmińiz birshama jedeldeı túsedi. Bul jasýshalardyń ınsýlınge sezimtaldyǵyn qalypqa keltirý esebinen bolady. Nátıjesinde aǵza taǵamdy maıǵa emes, energıaǵa belsendirek óndiredi.

2. Sportqa barynsha az ýaqyt bólińiz

Bir saǵattyq júgirý nemese sol uzaqtyqtaǵy qandaı da bir tereń oıly ıogaǵa qaraǵanda, 10-15 mınýttyq belsendi jattyǵý metabolızmdi jedeldetý turǵysynan tıimdirek.

AQSH-ta joǵary qarqyndy ıntervaldy jattyǵýlar burynnan keń taralǵan. Bul jattyǵýlar jelisinde maksımaldy belsendi qysqa kezeńder dál sondaı qysqa demalys kezeńderimen almasyp otyrady.

20 ret keýdeni jerden tez-tez kóteresiń — 20 sekýnd demalasyń — qaıta 20 ret keýdeni jerden kóteresiń. Bir mınýt boıy sekirgishpen maksımaldy jyldamdyqpen sekirý — 15 sekýnd demalys — taǵy bir mınýt sekirý. Kúnine (tipti eki kúnde bir) osyǵan uqsas 4-5 aınalym jasasa, eki aptada zat almasý birshama jedeldeıdi.

Jedeldeýdiń oryn alýyna birneshe sebep bar. Sonyń ishinde, lıpıdter men glúkozanyń sińirilýi jaqsarady — bular sińirilmeı qalatyn bolsa maı qyrtystary túziledi. Sonymen qatar, aǵza maılardy negizgi ketirýshi — ottegini kóbirek tutynýǵa úırenedi. Sol sebepti qysqa, biraq ıntensıvti jattýǵadan keıin kalorıalar shyǵyny kúrt jáne uzaq ýaqytqa artady (eki saǵattan bir táýlikke deıin). Aıtpaqshy, ottegi jaıly...

3. Tereńirek demalyńyz

Keıde kezekti dıeta jaıly oqyp, tereń demalǵyń keledi. Jáne bul durys ta! Tereń demalý — taǵam úlesin qatań shekteýge qaraǵanda (jalpy qatań dıeta aryqtaýdan buryn salmaq jınaýǵa ıtermeleıdi), aryqtaýdyń tıimdirek tásili.

Mundaǵy logıka qarapaıym: tereńirek demalǵan saıyn qanǵa kóbirek ottegi túsedi jáne taǵamdy, onyń ishinde maılar men qantty energıaǵa óndirý prosesi belsendirek júredi.

4. Sýyq sý ishińiz

Ár aryqtap júrgen adam estigen bolar: eger tamaqqa otyrardan 20-30 mınýt buryn bir staqan sý ishse, azyraq tamaq jeısiń. Biraq eger tońazytqyshtan alynǵan sý ishse áseri eki ese bolatynyn bilgen be edińiz?

Sýyq sý asqazandy toltyryp qana qoımaı (demek siz ózińizdi toıyp turǵandaı sezinesiz), aǵzany jylytý úshin artyq kalorıa jumsaýǵa ıtermeleıdi. Jarty lıtr sýyq sý ishseńiz metabolızm jyldamdyǵy 30%-ǵa artady. Iaǵnı aǵzańyz jylyǵansha.

5. Uıyqtar aldynda tamaqtanyńyz

Artyq salmaqtan arylǵysy keletin nemese salmaǵyn ustap turǵysy keletinder úshin bul ersi estiledi. Biraq Florıda ýnıversıtetiniń ǵalymdary anyqtaǵan eken: uıyqtar aldyndaǵy jeńil tiskebasar túngi zat almasýdy jaqsarta alady, onyń ishinde maılardy óndirýdi jedeldetedi.

Zertteýler semizdikten zardap shegetin erlerdiń qatysýymen ótken, jáne, árıne, ortasha statısıkalyq adamdar arasynda qaıta tekserýdi qajet etedi, alaıda zertteý nátıjelerin nazarǵa alý artyq etpeıdi.

Iá! Bul mátindegi jeńil tiskebasar — bul 150 kkal-dan aspaıtyn, aqýyzy basym porsıa.

6. Uıqyńyz qanyq bolsyn

Uıqy jetispeýshilik — metabolızmniń báseńdeýine jáne salmaq qosýǵa týra jol. Onyń ishinde, uıqynyń qanbaýy tábet pen energıa tutynýdy retteıtin mańyzdy garmon — leptın deńgeıin kúrt túsiredi.

Óz zat almasýyńyzǵa kedergi keltirmes úshin árdaıym jáne tıisinshe uıqyńyzdy qandyryp júrińiz. Esińizde bolsyn: salmaqty qalypqa keltirý jolynda júıeli jattyǵýlar men úılestirilgen rasıonǵa qaraǵanda, uıqynyń mańyzy zor.

---