InfoHub Logo

Qyzmet babynda ártúrli jaǵdaıǵa baılanysty adam qatty kúızeliske ushyraı beredi. Ol tipti bolymsyz nárseden de týyndaýy múmkin. Solaı bolsa da adamnyń júıke júıesine úlken salmaq túsip, óziniń qalypty jaǵdaıynan shyǵyp, qan qysymy kóterilip, tamyr soǵýy jıilep, júrek tusy shanshýy yqtımal. Árıne, jıi qaıtalana beretin teris emosıalyq qubylystar iz qaldyrmaı ketpeıdi. Sondyqtan adam óziniń boıynan joǵaryda kórsetilgen jaılar baıqalsa, qalaıda buǵan kóńil aýdaratyn jattyǵýlar jıyntyǵyn oryndaýǵa kiriskeni jón. Sonda ǵana adamnyń ashý-yzasy tarqap, jumys qabileti artyp, densaýlyǵy qalpyna keledi. Sondaı jattyǵýlardyń biri shetki qantamyr jumysyn jaqsartý bolyp tabylady.

1.      Aıaqtyń ushymen 9-10 ret kóteriledi.

2.      Otyryp ne turyp óksheden aıaqtyń basyna jáne kerisinshe aıaqtyń basynan ókshege salmaq túsiredi.

3.      Bir qolmen qabyrǵaǵa súıene turyp, júreden otyryp júredi. 8-10 ret qaıtalanady.

4.      Bir aıaqty ekinshi aıaqqa aıqastyra salyp, baltyrdyń bulshyqetin sıpap, ysqylaıdy.

5.      Judyryqty qatty ashyp-jumyp silkileıdi.

6.      Qoldyń ushyn bilezik býynynan aınaldyrady.

7.      Qoldy ústel ústine qoıyp, saýsaqtardyń arasyn alshaqtatyp, qaıta biriktiredi. 3-4 ret qaıtalaıdy.

8.      Qoldyń ushynan ıyq býynyna deıin úgip, ýqalaıdy.

Teris emosıalyq qubylyspen kúresý

Qatty renishten soń júıke júıesin qaıta qalpyna keltirý úshin bulshyqetterdi kúshpen shıryqtyratyn jattyǵýlar qajet. Bul úshin osyǵan laıyqty jeke bólme nemese arnaıy burysh bolǵany jón. Ol jerde gantel, espander, velostanok nemese bokske arnalǵan ishine maqta toly dop t.b. bolýy kerek.

1.      Eger arnaıy bólme bolsa, 15-20 sekýndtaı jyldam, ekpinmen júrý kerek.

2.      Boksshynyń jattyǵýy kezindegideı, qoldy qatty sermep, qımyldaıdy.

3.      Judyryqty túıip, qoldy keýdege ustap, eki jaqqa siltep laqtyrǵandaı qımyl jasaıdy. Qoldy tómen salbyratyp, bosańsytady.

4.      Qoldy oryndyqqa tirep, aıaqty túzý ustap, deneni birneshe ret tómen túsirip, joǵary kóteredi.

5.      8-10 ret júreden otyryp-turady. Joǵary kóterilgende qoldy sozyp, demdi ishke tartady. Túsirgen kezde demdi syrtqa shyǵarady.

6.      Otyrǵan qalypta espanderdi ár jaqqa qushaq jaıa tartady.

Osyndaı profılaktıkalyq ádis adamnyń qajyǵan júıke-tamyryn qalpyna keltirip, densaýlyqty saqtaýǵa tolyq múmkindik beredi.

G.IKİMANOVA, Profesor

---