InfoHub Logo

Kishipeıildiń - abyroıy asar,
Tákappardyń - quty qashar.

Iúginekı Ahmed

Leonardo Da Vınchıden qysqa ári ónegeli támsil: Bir baqta balqaraǵaı ósip turady. Jyldan jylǵa ol eseıip, bıiktep, ádemilene túsedi. Onyń jaıqalǵan ushar basy basqalardan bıigirek turǵandyqtan, ol ózge aǵashtarǵa qalyń kóleńkesin túsirip turatyn boldy. Biraq ol bıikke jaıylyp ósken saıyn menmendigi de óse bastady. Birde ol bárine joǵarydan jek kórýshilikpen qarap turyp, bylaı dep buıyrady: — Myna beıshara jańǵaq aǵashyn kóz aldymnan qurtyńdar! — Osylaısha aǵash tamyrymen shabylady. — Myna injir aǵashymen kórshi bolýdan tózip bittim! Óziniń suryqsyz túri meni zeriktiredi, — dep buıyrdy birde qyńyr balqaraǵaı, — sóıtip injirmen de sol taǵdyr qaıtalanady. Butaqtarymen kekireıe terbelip, ózine razy tákappar sulý munymen toqtamady: — eski almurt pen alma aǵashtarynan aınalamdy tazartyńdar! — Bul aǵashtar da otynǵa ketedi. Osylaısha tynymsyz balqaraǵaı aınalasyndaǵy barlyq aǵashty birinen keıin birin shaýyp tastaýdy buıyryp, baqtyń tek ózi bıleıtin jalǵyz qojaıyny bolyp qalady. Baqtyń burynǵy sulýlyǵynan tek túpter qaldy. Biraq birde qatty daýyl turady. Dandaısyǵan balqaraǵaı berik túbirimen jerdi myqtap ustap, oǵan bar kúshimen tótep berýge tyrysady. Al jel jolynda basqa aǵashtardy kezdestirmegendikten, jalǵyz turǵan sulý aǵashty aıaýsyz syndyryp, qıratyp, ony tómenge qaraı qulatýǵa tyrysyp, tap beredi. Sońynda silesi qatqan balqaraǵaı qaharly soqqylarǵa shydaı almaı, bort synyp, jerge qulaıdy.

---