InfoHub Logo

Japonıada, dálirek aıtqanda Tokıoda, túngi avtodańǵylda kólikter saǵatyna 250+ kılometrmen júıitkıtin bir qyzyqty jarys bolǵan. Avtodańǵyldyń eń tanymalynyń biri Shuto Expressway Bayshore Route nemese jaı ǵana Wangan-sen boldy. 

1985 jyldary kóshe shabandozdar (Mid Night) túngi ýaqytta motosıklmen júrip, qarapaıym júrgizýshilerdiń jolyn keskestep, úreılerin alyp júrgen Bosozoku bandasyna qarsy turýdy sheshedi.

Biraq Mid Night klýbyna kez-kelgen adam qosyla almaǵan. Olardy óte qatań talaptar negizinde iriktelip alynǵan elıta dep ataýǵa bolady, orta eseppen klýbta 30 adamdaı boldy. Qatysýshylardyń avtokólikteri 250 km/saǵ-tan astam jyldamdyqpen júıitkı bilýi tıis.

Mashınaǵa qoıylatyn talaptardan bólek júrgizýshige de óte joǵary talaptar qoıylǵan. Óıtkeni 250 km/saǵ jáne odan joǵary jyldamdyqpen zýlaıtyn avtokólikti basqarý ońaı mindet emes edi. Sonymen qatar, erejelerdiń qatań jınaǵy jarysqa qatysýshylar men qarapaıym júrgizýshiler úshin qandaı da bir qaýipti jaǵdaılar týǵyzýǵa tyıym saldy.  

Eger qatysýshy osy erejeni buzsa, ol klýbtan ketýge jáne barlyq erekshelik belgilerin alyp tastaýǵa mindetti boldy. Ár jańa qatysýshy bir jylǵa "taǵylymger" atanyp, klýbtyń barlyq jınalysyna jáne jarystaryna qatysýǵa mindetti edi. Shamamen qatysýshylardyń 10%-y klýbtyń turaqty qatysýshysyna aınalyp otyrǵan.

Polısıa jarysýshylarmen eshteńe isteı almady, óıtkeni olardyń kólikteri shekteýshiniń saldarynan 180 km/saǵ-tan jyldam júre almaıtyn.  Bul jaǵdaı tipti "Forsaj" fılmıiniń úshinshi bóliginde kórinis tapqan edi. Keıinirek polısıa jyldamdyqty shektemeıtin, kúshti jáne jyldam avtomobılderge qol jetkizgenmen, buryńǵysynan da jyldam jáne qýatty bola túsken klýb kólikterimen básekelesýge qaýqarsyz boldy.

Klýb músheleri tún jarymnan keıin belgilengen orynǵa jınalatyn. Kóbine jarys Baıshordyń bir bóliginen ótetin. Jarysty qıyndata túsý úshin,  qozǵalys baǵytyn ózgertip otyratyn. Eger jarys uzaqqa sozylyp, eshkim jeńe almaǵan bolsa (ádette basqa qatysýshynyń nazarynan tys ketý jeńis bolyp sanalǵan), onda qatysýshylar Bosozoku jeńimpazyn anyqtaǵanǵa deıin keri qaıtyp, jarysty qaıta bastaıtyn.

Qatysýshylarǵa aty-jóninen basqa óziniń jeke ómiri týraly nemese ózi jaıly qandaı da bir málimetterdi aıtýǵa tyıym salynǵan. Eger klýbtyń eki qatysýshysy dos bolsa, olar ony jasyrýǵa tıis edi.

Kezdesý orny telefon arqyly baqylaýdy boldyrmaý úshin jergilikti gazette jarıalanatyn. Habarlandyrý ádette ótken kezdesý sońynda aıtylǵan qandaıda bir zatty satý týraly, mysaly: "Kúmis alqa satamyn. Seısenbi kúni saǵat 12 men 2 aralyǵynda Daıkoký turaǵynda kezdesýge daıynmyn" degendeı mátindegi habarlanyrýlarmen qulaqtandyrylatyn.

Mid Night óz ǵumyrynda jarystarǵa kóptegen shaqyrýlar alǵan. Ár komandadan bir qatysýshydan tańdalatyn jáne shabandozy úsh aınalym boıynsha jeńgen komanda jeńisti ıelengen.

1999 jyly klýb taraldy. Sondaı jarystardyń birinde, juma kúni, tańǵy 3-te Mid Night Bosozoku shabandozymen jarysty. Aınalym kezinde 250 km/saǵ jyldamdyqpen baıkerlerdiń biri trafıkte oraǵytyp otyryp, kóligin basqara almaı baıkpen basqa bir kólikti janap ótip, tizbekti reaksıany iske qosqan. Nátıjesinde eki baıker oqıǵa ornynda qaza tapty, segiz kólik júrgizýshisi aýrýhanaǵa jatqyzyldy, onyń altaýy qarapaıym júrgizýshiler edi. Bir boljam boıynsha — baıker mas bolǵan desedi.

Klýbtyń qatań erejelerine sáıkes, olar klýbty tarqatý kerek edi. Ereje qarapaıym boldy — eger bireý klýb qyzmetiniń kesirinen zardap shekse, onda klýbty birden tarqatý kerek. Mine dál sol túni Mid Night óziniń ǵumyryn aıaqtaǵan bolatyn.

---