InfoHub Logo

Almatynyń jańa ákimi Darhan Satybaldynyń baýyrlary qurylys salasynda bıznes júrgizetini belgili. «Vlast saıtynyń málimetinshe, olardyń Kishi Taldykól aýmaǵyndaǵy qurylys jobalaryna qatysy bar. 2023 jyly bul týraly suralǵanda Satybaldy týystarynyń jumysyna aralaspaıtynyn, atalǵan qurylys jóninde habary joǵyn aıtqan.

Jýyrda jýrnalıser Ónerkásip jáne qurylys mınıstri Ersaıyn Naǵaspaevtan: «Jańa ákim kelgen soń Almatyda tıimsiz qurylys kóbeımeı me?» dep surady. Mınıstr naqty jaýaptan jaltaryp, tek:

– Qazir biz egjeı-tegjeıli josparlaý jáne bas josparǵa ózgerister engizý prosesiniń sońǵy kezeńine mınıstrlikti qosýdy qarastyryp jatyrmyz. Bul prosesti qatań baqylaımyz, – dedi.

Al jýrnalısiń «Aǵaıyndy Satybaldylardyń bıznesi qalada etek jaımaıtynyna kepildik bere alasyz ba?» degen suraǵyna mınıstr qysqa qaıyryp: «Quzyretimizge sáıkes baqylaımyz», – dep jaýap berdi.