InfoHub Logo

Ánshi Móldir Áýelbekova kelinine jańa kólik syılap, kópshilikti súısintti. Bul jańalyqty ánshi óziniń Instagram paraqshasynda jańa kólikpen birge túsken vıdeosyn jarıalap, kópshilikke jetkizdi.

Bul týraly Infohub.kz aqparat agenttigi habarlaıdy.

Kelininiń armany oryndaldy

Ánshi jazbasynda: «Áýletimizdiń erketotaıy! Kelinim Anelányń armanyn oryndaý maǵan buıyrypty! Sý jańa tulparyń jaqsylyqqa júrgizsin! Ortamyzda osylaı jarqyrap júre ber, botaqan! Juǵysty bolsyn!» dep jazdy. Bul sózder kópshiliktiń ystyq yqylasyna bólendi.

Jelidegi jyly lebizder

Áleýmettik jeli qoldanýshylary men ónerdegi áriptesteri jas kelinge aq tilekterin jaýdyrdy. Pikir bildirgenderdiń biri: «Ánel ápke, qutty bolsyn! Berekeli bolsyn. Móldir, sen árdaıym qýanysh syılaǵandy jaqsy kóresiń», – dep jazsa, endi biri: «Keremet! Qutty kólik bolsyn. Ánel kelinshekke ábden laıyq. Aqjoltaı kólik bolsyn, qatty qýanyp otyrmyn. Móldir qandaı jomart jan», – dep rızashylyǵyn bildirdi.

Taǵy bir oqyrman: «Kelinińiz sizge uqsaıdy eken. Óz úıin tastap, jat-jurttyq bolyp kelgen kelinińizge qýanysh syılaı bilgen jandarǵa Allanyń berer rızyǵy taýsylmasyn. Qutty, berekeli kólik bolsyn. Ár qazaqqa osyndaı salonnan sý jańa kólik alýdy násip etsin», – dep tilek bildirdi. Jelide «Tizginiń berik, jolyń ashyq bolsyn. Kóligiń tek qýanysh pen jaqsy jańalyqtarǵa jetkize bersin» degen aqjarma tilekter de jazyldy.