InfoHub Logo

Ánshi Móldir Áýelbekova áleýmettik jelidegi jazbasymen jurtshylyqtyń nazaryn aýdardy. Ol ózin qazaq estradasyndaǵy ańyz ánshilermen birdeı sanatqa qoıǵandaı áser qaldyryp, jelide qyzý pikirtalas týdyrdy.

Bul týraly Infohub.kz aqparat agenttigi habarlaıdy.

Ánshiniń aıtýynsha, gastróldik saparmen búkil Qazaqstandy aralap, jeke konsert beretin qyz ánshilerdiń sany óte az. Ol tizimge ózin de qosyp, bylaı dep jazdy: «Maqpal Júnisova, Roza Rymbaeva, Roza Álqoja, Narkenje jáne men. Nege?»

Jeli qoldanýshylarynyń pikiri

Bul pikir kópshiliktiń kóńilinen shyqpady. Jelidegiler ánshiniń ózin halyq ártisterimen birdeı dárejege qoıǵanyn synǵa aldy. Keıbir pikirlerde «Samoosenka myqty, ózin legendalardyń qasyna qosyp qoıypty» dep mysqyldasa, endi biri «Marjan Arapbaeva, Merýert Túsipbaeva, Dılnaz Ahmadıeva… tolyp jatyr ǵoı. Ózińe kóp alyp qoıǵan sıaqtysyń» dep jazdy.

Ánshini qoldaǵandar da tabyldy

Degenmen, ánshini qoldaǵandar da tabyldy. Olar Móldir Áýelbekovanyń gastróldik konsertteriniń suranysqa ıe ekenin aıtyp, «Ánińiz kóp bolǵandyqtan, hıt bolǵandyqtan» dep pikir bildirdi. Bul jazba áleýmettik jelide tez taralyp, shoý-bıznes ortasynda qyzý talqyǵa aınaldy.