InfoHub Logo

Sabaqtyń taqyryby: Móldir bulaq - jasyl quraq.

Maqsaty: oqýshylardyń adam men tabıǵat arasyndaǵy úılesimdilik týraly túsinikterin damytý.
Mindetteri:
- Oqýshylardyń tabıǵat tutastyǵy týraly uǵymdaryn keńeıtý;
- Tabıǵatty saqtaý, aıalaý sezimderin damytýǵa yqpal etý;
- Tabıǵatqa súıispenshilikke, meıirimdilikke, qamqorlyqqa tárbıeleý.
Kórnekilikter: dıaproektor, aýdıokasseta, úntaspa, noýtbýk, tústi qalam, vatman
Sabaqta qoldanylatyn
modýlder men ádis - tásilder: AKT, STO, Kóshbasshylyq pen basqarý, áńgimeleý, suraq - jaýap, taldaý,
Pánaralyq baılanys: ádebıet, beıneleý, án - mýzyka

Kirispe
Shattyq sheńberi
Muǵalim oqýshylardy sheńberge shaqyrady. Oqýshylar muǵalimmen, bir - birimen sálemdesedi. Balalar úntaspaǵa qosylyp «Araldan ushqan aqqýlar» ánin aıtady.

Araldan ushqan aqqýlar.
Sózi: Sh. Sarıevtiki
Áni: S. Báıterekovtiki
Qustardyń qaıda bazary?
Tarqaǵan, túsip ajary.
Jaraly júrek jandardaı
Tómendep teńiz nazary.
Bulttardaı júzgen aq ala,
Japadan jalǵyz shaǵala.
Qoshtasqan qaıran Aralmen,
Qaıǵyly, muńdy jaǵada.
Qaıyrmasy:
Qıa almaı qanat qaǵady,
Qona almaı ushyp barady.
Móldirep qustar janary, Aralym.
Eń alǵash seni kórip em,
Aqqýdy teńiz kóginen.
Tolmaıtyn orny - Ómir eń, Aralym.
Jyl saıyn kóktem jetedi,
Seni izdep qustyń mekeni.
Uıasyz qalǵan aqqýlar
Qona almaı ushyp ótedi.
Aıdyndy shalqar, Aralym,
Balalyq shaǵym, janarym.
Aıdynda júzgen qusyń em,
Alystap ketip baramyn.

Sabaqty uıymdastyrý
Synypty toptarǵa bólip otyrǵyzý.
Qaǵaz qıyndylaryna sózder jazylǵan. Árbir oqýshy bir sózden alady, sózderdi jınaqtaǵanda maqal - mátel quralýy tıis. Sózderden maqal quraǵan oqýshylar toptasyp otyrady. Topbasshy saılaıdy.

Sabaq taqyrybyn ashý maqsatynda muǵalim oqýshylardyń adam jáne tabıǵat týraly túsinikterin keńeıte otyryp, tabıǵattyń adam ómirindegi mańyzy, tabıǵat pen adam arasyndaǵy úılesimdilik, tabıǵatqa qarym - qatynas týraly suraq qoıyp, oqýshylar arasynda áńgimelesý uıymdastyrady.
 Tabıǵattyń adam ómirindegi mańyzy qandaı?
 Tabıǵat pen adam arasyndaǵy úılesimdilik degendi qalaı túsinesińder?
 Tabıǵatqa óz qamqorlyqtaryńdy qalaı bildiresińder?

Mátinmen jumys
Aqseleý Seıdimbektiń «Betpaqdala» mátinin oqytý.
Dıaproektordan «Ańshy» múltfılminen úzindi kórsetý. Oqýshylar mátindi oqıdy. Múltfılmnen alǵan áserimen mátindi salystyra otyryp sýret arqyly qaǵazǵa túsiredi. Toptan bir oqýshy shyǵyp salǵan sýretteri boıynsha áńgimelep aıtyp shyǵady.

Tapsyrma
Tabıǵat tutastyǵyn saqtaý jóninde usynystar aıtady, onyń mándiligin dáleldeıdi.
Usynystardy ár túrli úlgide:
• Syzba
• Joba
• Keste
• Sýret
• Model - túrinde berýge bolady nemese aýyzsha aıtady.

Shyǵarmashylyq tapsyrma
1 - top: Joıylyp, quryp ketý qaýpi tónip turǵan tabıǵat atynan ótinish hat jazady.
2 - top: «Tabıǵatty qorǵaý jáne saqtaý» jobasyn jasaıdy.
3 - top: tabıǵatqa baılanysty aıtylǵan tyıym sózderdi jazady.
4 - top: «Tabıǵatty qorǵaımyz» taqyrybyna óleń shyǵarady.

Sergitý sáti
«Sýdan qaıyqpen ótý» oıyny oınatylady. Ár toptan bir oqýshy shyǵady. Eki shetke syzyq syzylady, bul máre syzyǵy. Oqýshylardyń qolyna eki aq paraq beriledi, qolyndaǵy paraqty aıaǵynyń astyna kezektestirip qoıý arqyly ortadaǵy sýdan ótip máre syzyǵyna jyldam jetý qajet.

Oı qozǵaý
Muǵalim oqýshylarǵa mysal áńgime aıtady.
Teńiz jaǵalaýy. Jaǵalaýda bir bala eńkeıip, kóterilip, qolyn sermep qımyldar jasap júr. Buny qyzyq kórgen sol mańda júrgen bir kisi balaǵa jaqyndap keldi. Qarasa álgi bala teńiz jaǵalaýyna shyǵyp qalǵan teńiz juldyzshalaryn terip, qaıta sýǵa laqtyryp júr eken.
- «Jigitim, sen ózi qyzyq adam ekensiń. Teńiz jaǵalaýy kóptegen shaqyrymǵa sozylyp jatyr, al onyń jaǵalaýynda sýdan shyǵyp qalǵan teńiz juldyzshalary myńdap kezdesedi. Sen onyń bárin sýǵa tastap jibere almaısyń ǵoı. Jáne osynyń sen úshin máni bar ma?» - dep surady álgi kisi.
- «Árıne, munyń men úshin máni joq ekeni ras, al biraq men sýǵa tastaǵan árbir teńiz juldyzshasy úshin úlken máni bar dep oılaımyn», - dep jaýap berdi álgi bala.

Qorytyndylaý
Oqýshylar «Men seni qorǵaımyn...» taqyrybyna shaǵyn esse jazady.

Júrekten júrekke
Aldaryndaǵy júrekshege «Men úshin tabıǵat mańyzdy, óıtkeni...» sóılemdi aıaqtaıdy, taqtaǵa iledi.