InfoHub Logo

Astanada jazýshylar aleıasynda ornalasqan Bekejan Maılın eskertkishine minip, sýretke túsken boıjetken anyqtaldy. Bul áreket qoǵam belsendileri men qarapaıym azamattardyń qatty ashýyn týdyrdy.

Bul týraly Infohub.kz aqparat agenttigi habarlaıdy.

Oqıǵa jazýshylar aleıasynda bolǵan. Vıdeoda bir qyz eskertkishtiń moınyna otyryp, aıaǵyn salpańdatyp turǵany, al ekinshisi ony sýretke túsirip jatqany kórinedi. Bul jaıtty jýrnalıs Dúısenalı Álimaqyn baıqap, áleýmettik jelide jarıalaǵan.

Jýrnalıstiń narazylyǵy

«Jazýshylar aleıasynda demalyp otyrǵan edim. Kenetten osyndaı jaǵymsyz jaǵdaıǵa kýá boldym. Jaqyndap baryp: «Bul kimder ekenin bilesizder me?» dep suradym. Olar tek tańyrqaǵandaı qarap, «ne, ne?» dep jaýap berdi. Kýálik retinde osy bir aqymaqtyqty vıdeoǵa túsirdim. Uıat ta, keshirim de joq. Bul qurmetsizdik pe, álde nadandyq pa?» – dep jazdy jýrnalıs.

Qoǵamnyń jaýaby

Vıdeo jarıalanǵannan keıin áleýmettik jeli qoldanýshylary qyzdyń áreketin qatty synǵa alyp, ony jaýapqa tartýdy talap etti.

Polısıanyń áreketi

Astana qalalyq polısıa departamentinen habarlaǵandaı, tártip buzǵan azamatshanyń jeke tulǵasy anyqtaldy.

«Polısıa qyzmetkerleri uly jazýshynyń eskertkishine qurmetsizdik tanytqan boıjetkenniń jeke basyn anyqtady. Áleýmettik jelide qyzdyń sýretke túsý úshin Bekejan Maılınniń eskertkishine shyǵyp, mádenı eskertkish pen qoǵamdyq orynǵa degen qurmetsizdigin kórsetken vıdeosy tarady.

Astana qalasynyń «Baıqońyr» aýdanynyń 18 jastaǵy turǵyny polısıa basqarmasyna jetkizildi. Tártip buzǵan azamatshaǵa buzaqylyq jasaǵany úshin jaýapkershilikke tartylyp, sheshim qabyldaý úshin materıaldar sotqa jiberildi», – dep habarlady polısıa.

Vedomstvo mundaı áreketterdiń jol berilmeıtinin jáne mádenıet nysandary men tarıhı muralarǵa uqypty jáne qurmetpen qaraý qajettigin eske saldy. Sondaı-aq, polısıa eskertkishter men mádenı mura nysandaryn qasaqana buzý vandalızm aktisi bolyp sanalatynyn jáne zańda kózdelgen jaýapkershilikke, sonyń ishinde qylmystyq jaýapkershilikke ákep soǵatynyn atap ótti.