Photo: Ayazhan (https://www.pexels.com/@ayazhan-3173683) / Pexels
Eski úlgidegi 2000 teńgelikterdi aýystyrý merzimi jaqyndap keledi: Ulttyq bank halyqqa úndeý tastady
Qazaqstanda eski úlgidegi 2000 teńgelik banknottardy qabyldaý toqtatylady. Bul týraly Infohub.kz aqparat agenttigi habarlaıdy.
Aıta keteıik, bul – «Qazaq Eli» monýmenti beınelengen, al syrtqy betinde Qazaqstan kartasynyń kontýry men Ertis ózeni, stıldendirilgen kıiz úı jáne memlekettik týdyń úzindisi bar banknottar. Bul 2012 jylǵy úlgidegi aqshalar.
Aqshany aýystyrý merzimi
Atalǵan banknottardy tólem quraly retinde qabyldaý merzimi aıaqtalýǵa sanaýly kúnder qaldy. Naqtyraq aıtsaq, 24 maýsymnan bastap bul aqshalarmen eshqandaı taýar nemese qyzmet aqysyn tóleý múmkin bolmaıdy. Degenmen, áli de ýaqyt bar.
Banknottardy qaıda jáne qalaı aýystyrýǵa bolady?
Eski úlgidegi banknottardy aýystyrý úshin úsh jyl ýaqyt beriledi. Ony ekinshi deńgeıli bankter men «Qazposhta» arqyly júzege asyrýǵa bolady. Al Ulttyq banktiń fılıaldarynda bul aqshalardy merzimsiz aýystyrýǵa bolady.
«Ekinshi deńgeıli bankter men «Qazposhta» arqyly eski banknottardy jańasyna úsh jyl ishinde aýystyra alasyzdar. Al Ulttyq banktiń fılıaldarynda bul merzimsiz. Qoldaryńyzdaǵy aqshany tekserip, banknottardy ýaqytyly aýystyryp úlgerińizder!» - dep keńes berdi QR Ulttyq bankiniń qolma-qol aqsha aınalysy departamentiniń bas mamany-analıtıgi Ásel Aqtleý.
-
Izvestnyı ıýmorıst Galym Mahambet ı ego jena Asıa ojıdaıýt vosmogo rebenka, vyzvav býrnoe obsýjdenıe v setı.
-
The National Bank of Kazakhstan urges citizens to exchange older 2000 tenge banknotes before the June 24 deadline to avoid issues with payments.
