InfoHub Logo

Bilim berý salasy: Komýnıkasıa
Bólimi: Sóıleý damytý.
Taqyryby: Móldir bulaq
Maqsaty: (Daıarlyq) Sý álemimen jáne de sýda meken etetin tirshilik ıelerimen tanystyrý. Olardyń árqaısysyna tán qasıetterdi ajyratýǵa daǵdylaý.
Maqsaty: (Eresek) Sý álemimen jáne de sýda meken etetin tirshilik ıelerimen tanystyrý.
Mindetteri: 1. Sý asty meken etetin tirshilik ıelerin árqaısysynyń ereksheligin bilý.
2. Taqyrypqa saı sózdik qorlaryn damytý.
3. Ár tirshilik ıesine meıirimmen qaraýǵa tárbıeleý.
Ádis - tásilderi: Áńgimeleý, suraq jaýaptar, oıyndar, Mýrashov. Teh. 6 qalpaq ádisi
Kórnekilikter: Taqyrypqa saı sýretter, oıyn zattary, 6 qalpaq, dúrbi, taratpaly zattar
Bılıngvaldyq komponent: ózen – reka – river. kól – ozero – lake, teńiz – more – sea

Kirispe bólim:
Pedagog balalardy ortaǵa sheńberge turǵyzady.
- Balalar, qarańdarshy, bizdiń tabıǵatymyz qandaı ádemi. Ózimizdi ádemi de sulý tabıǵatqa teńep, shattyq sheńberin jasaıyq.
- Men taýmyn. Bárinen de bıikpin.
- Men gúlmin. Jupar ıisim bar.
- Men Kúnmin. Jarqyrap jylý berem! - dep balalar shattyq sheńberin jasaıdy.
Pedagog: Balalar, myna ártúrli ǵajaıyp dybystardy muqıat tyńdańdar. Neniń dybysyn estigenderińdi aıtyp berińder.
(Aýdıotaspadan syldyrlaǵan bulaqtyń, teńizdiń dybystary.)
- Dybystardy estigende qaıda júrgendeı boldyńdar?
- Neniń dybysyn estidińder?
- Al endi men senderge «Teńizdegi tirshilik ıeleri» atty beınetaspa kórsetemin, sender óte muqıat bolyńdar, kórip bolǵannan keıin qandaı tirshilik ıesin tanydyńdar, maǵan aıtyp beresińder. Kóptildilik: ózen – reka – river. kól – ozero – lake, teńiz – more – sea
Negizgi bólim:
Pedagog: Ne kórgenderińmen bólisip otyryńdar, erekshe áser berip, este qalǵan ne boldy?
Al endi biz sý týraly sóılesemiz.
1. Qalaı oılaısyńdar, sý kimge jáne ne úshin kerek?
2. Teńiz tirshilik ıelerine neler jatady?

1 - tapsyrma. Sýretshi neni umytty? Tolyqtyryp sal.
Sergitý jattyǵýy:
Qanekeı, boı sergitip alaıyq,
Ózimizdi móldir sýǵa balaıyq.
Saı - salada aǵyp jatqan sarqyrap,
Bulaq bolyp taýdan tómen aǵaıyq.
«Sózdi jalǵastyr» oıyny.
Men qarmaqpen balyq....
Teńiz jaǵasynan shaǵalany....
Bulaq syldyrlap....
Jylqylar sý....
Jańbyr jaýyp, ózen sýy....
Aqqýlar jaǵaǵa jaqyn....
Balalar sýǵa....

2 - tapsyrma. Jańyltpashty jańylmaı aıtaıyq:
Bul balyq, Aq balyq. Aq balyq, Qyltany kóp balyq.

3 - tapsyrma. Sýrettegi tizbekti esińe saqta. Dápterdi jaýyp, shatastyrmaı aıtyp ber.
Logıkalyq oıyn: «Týra maǵynasyn aıt». Pedagog balalarǵa aýyspaly maǵynadaǵy sózder aıtady, balalar týra maǵynasyn aıtýǵa tyrysady. Mysaly: Jyly sóz - jyly kún; Altyn bala - altyn syrǵa; Qara shańyraq, qara nıet – qara shalbar; Aq jol, aq nıet - aq oramal; Jumystyń aıaǵy - júretin aıaq; Bulaqtyń kózi - adamnyń kózi; Sýyq habar - sýyq jel.

4 - tapsyrma. Sýretten sýda meken etetinderdi ata. Olardy sýdyń sýretimen qos.

5 - tapsyrma.
Maqaldyń maǵynasyn túsinip al.
Sýdyń da suraýy bar.
Bulaqqa bulaq qosylsa, «egizbiz» deıdi.
Kólge kól qosylsa, «teńizbiz» deıdi.
Ózen sýyn jańbyr tasytady,
Adam qadirin eńbek asyrady.
Sý anasy – bulaq, sóz anasy – qulaq.
Pedagog balalarmen birge maqaldyń maǵynasyn talqylaıdy.
Móldir bulaq júkteý