tengrinews.kz
Munaı baǵasy AQSH pen Iran kelissózderiniń úzilýine baılanysty kúrt ósti
AQSH pen Iran arasyndaǵy ekinshi kezeń beıbit kelissózderdiń úzilýi álemdik munaı naryǵyna keri áserin tıgizdi. Bul týraly Euronews-ke silteme jasap Tengrinews.kz habarlady.
Taıaý Shyǵystaǵy munaı óńdeý zaýyttaryna jasalǵan shabýyldardyń turaqty qaýpinen bólek, Ormýz buǵazynyń jabylýy naryq úshin basty másele bolyp qalýda.
Dúısenbi, 27 sáýirde Brent markaly munaı baǵasy shamamen úsh paıyzǵa ósip, barreline 108 dollarǵa jetti. Bul aptalyq ósimdi 13 paıyzǵa jetkizdi.
Senbi kúni Donald Tramp AQSH Iran Islam Respýblıkasynyń ókilderimen kelissóz júrgizýge asyqpaıtynyn málimdedi. Sebebi, Tegeran olardyń talaptaryn oryndamaǵan. AQSH prezıdentiniń aıtýynsha, eldi kim basqaratyny jáne kimmen kelissóz júrgizý kerektigi belgisiz.
Irannyń zymyrandyq shabýyldaryna baılanysty tankerler áli kúnge deıin Ormýz buǵazynan ótýden bas tartýda. Buryn bul buǵaz arqyly álemdik shıki munaı jetkiziliminiń besten biri ótetin.
Bul týraly Infohub.kz aqparat agenttigi habarlaıdy.
-
Atyraý qalasynyń keıbir aýdandarynda 29 sáýirde gazben jabdyqtaýda ýaqytsha úzilis bolady. Sebebi – gaz qubyrlarynda júrgiziletin jóndeý jumystary.
-
Almaty turǵynynyń Jeltoqsan oqıǵalaryna qatysýshylardy qorlaǵan sózderi qoǵamda úlken rezonans týdyrdy. Bul jaǵdaı tek qazaqtildilerdi ǵana emes, orystildi azamattardy da beıjaı qaldyrmady.
