tengrinews.kz
Munaı baǵasy taǵy da sharyqtap, barreli 85 dollardan asty
Álemdik munaı baǵasy AQSH pen Izraıldiń Iranǵa qarsy áskerı operasıasynan keıin kúrt ósti. Brent markaly munaıdyń baǵasy 2024 jyldyń shildesinen beri alǵash ret barreline 85 dollardan asty.
Bul týraly Infohub.kz aqparat agenttigi habarlaıdy.
Londondaǵy ICE bırjasynda Brent markaly munaıdyń mamyr aıyndaǵy fúchersteriniń quny 4,45 paıyzǵa ósip, 85 dollardan asty. Bul týraly Astana ýaqytymen 10:57-degi saýda málimetteri kórsetti.
WTI markaly munaıdyń sáýir aıyndaǵy fúchersteriniń quny 7,66 paıyzǵa ósip, 80,38 dollarǵa jetti.
Qazaqstandaǵy munaı baǵasynyń ósýi: búdjetke paıda, biraq ekonomıkaǵa táýekel
Buǵan deıin munaı-gaz salasynyń sarapshysy Asqar Ismaılov munaı baǵasynyń ósýi Qazaqstan búdjetine qosymsha tabys ákelip, Ulttyq qordy nyǵaıtyp, saýda balansyn jaqsartyp, teńge baǵamyn qoldaıtynyn atap ótken bolatyn.
Alaıda, munaı naryǵyndaǵy joǵary qubylmalylyq ekonomıka úshin táýekelder týdyrady. Baǵanyń aýytqýy ınflásıaǵa, ınvestısıalarǵa jáne qarjy naryqtaryna áser etýi múmkin. Ekonomıkanyń munaı tabysyna táýeldiligi Qazaqstandy syrtqy soqqylar men álemdik baǵanyń kúrt ózgerýine sezimtal etedi.
2026–2028 jyldarǵa arnalǵan búdjette munaı baǵasy 60 dollar, al teńge baǵamy 540 teńge bolyp eseptelgen. Bul eksporttan túsetin kiristerdi, áleýmettik tólemderdi jáne búdjettik baǵdarlamalarǵa arnalǵan shyǵyndardy esepteý úshin qoldanylady.
-
Qazaqstan úkimeti syrtqy saýda jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komısıanyń (VSK) sheshimderin jarıalady. Bul sheshimder sıyr eti eksporty, jumyrtqa ımporty jáne analyq mal basyn saqtaýǵa baǵyttalǵan.
-
Global oil prices have climbed above $85 per barrel for Brent crude, marking a significant increase driven by geopolitical events and impacting Kazakhstan's economy.
