InfoHub Logo

Bir shaldyń tórt uly bolypty. Bir kúni shal uldaryn jınap alyp:

— Men qartaıdym. Bireýińniń úı ıesi bolatyn ýaqyttaryń jetti. Kimniń aqyly baılyǵyna saı bolsa, sol muragerim bolady. Ár qaısyń maǵan baılyqtaryń men aqyldylyqtaryńdy kórsetýleriń kerek,— deıdi.

Úlken uly asyl tas salǵan júziginiń kózin kórsetip:
— Mine, meniń baılyǵym. Al kim baı bolsa, sol aqyldy,—deıdi.

Ekinshi uly asyl kıimderin kıip, ádemilenip keledi de:
— Meni osy túrimde kórgender aqylym men baılyǵymnyń aldynda bas ıedi,— deıdi.

Úshinshi uly kúmispen jáne altynmen aptalǵan beldigin býynady da:
— Mundaı beldikti eshkim, eshqashan býynyp kórgen emes,—deıdi.

Ákesi úlken balalaryna qarap, basyn shaıqaıdy da, eń kishi ulyna burylyp:
— Sen nege úndemeısiń? Sen qandaı baılyǵyńmen maqtanasyń?— deıdi.
Sonda kenjesi:
— Mende asyl tasty júzik te, sándi kıim de, altyn-kúmispen aptalǵan beldik te joq. Tek jumysqa jaramdy eki qolym bar, qaırat-jigerge toly júregim bar,— deıdi.

Shalǵa kenje balasynyń tapqyr da oıly sózi unaıdy.
— Jumys isteı bilgen adam jutamaıdy, -dep, óziniń kenje ulyn úı sharýasyn basqarýǵa muragerlikke ataıdy.

Úlken balalaryna inisiniń aıtqanynan shyqpaı, talabyn oryndaýdy ósıet etedi.

Nazar aýdar:

Óli men tiriniń dostyǵy týraly ańyz

Sábıge ómir syılaǵan qudiret

---