InfoHub Logo

Aýyr dertten kóz jumǵan akter Murat Bısembınniń qyzy ákesin joqtap, jan tebirenter jazba qaldyrdy.

Bul týraly Infohub.kz aqparat agenttigi habarlaıdy.

Áleýmettik jelidegi jazba

Marqum akterdiń qyzy áleýmettik jelidegi paraqshasynda ákesiniń qazasyna baılanysty kóńil aıtyp, qoldaý bildirgen jandardyń barlyǵyna alǵys bildirgen. Onyń aıtýynsha, sońǵy kúnder otbasy úshin kútpegendeı tez ótken.

«Dostar, qoldaý sózderińiz úshin barshańyzǵa alǵys aıtamyn. Jyly lebizderińizge raqmet. Ókinishke qaraı, fızıkalyq turǵyda barlyǵyńyzǵa jeke-jeke jaýap berýge shamam jetpeı jatyr. Biraq bir nárseni bilińizder: sizderdiń sózderińiz janymdy jylytyp jatyr.

Qoshtasýǵa kelgen barsha adamǵa rahmet. Barlyǵy tym tez boldy. Biz mundaıdy kútpedik te, boljaı almadyq.

Bizdiń ómirimiz endi eshqashan burynǵydaı bolmaıdy. Biz ómirimizdegi eń qymbat jannan aıyryldyq. Biz ákemizden, súıikti jardan, otbasynyń tireginen aıyryldyq.

Men bul qaıǵydan eshqashan aıyǵa almaspyn, biraq sonymen ómir súrýdi úırenýge tyrysamyn.

Ózderińizdi kútińizder…», dep jazdy ol.