InfoHub Logo

Sabaq taqyryby: M. Maǵaýınniń «Bir atanyń balalary» hıkaıaty
Sabaqtyń maqsaty:
Bilimdilik: Oqýshylardyń mátindi tolyq oqyp, meńgergenderin teksere otyryp, hıkaıattaǵy keıipkerler týraly ózindik pikirlerin qalyptastyrý, ózindik oılaý, estetıkalyq kózqarasy qalyptasqan oqyrman daıyndaý.
Damytýshylyq:Túrli tásilder arqyly balalardyń baıqaǵyshtyq, tapqyrlyq, sóz astaryn túsiný, óz oıyn jazbasha da, aýyzsha da júıeli aıtý qabiletterin damytý. Shyǵarmashylyqqa baýlý. Ádebı shyǵarma ıdeıasyn tanýǵa úıretý, sózdik qoryn molaıtý.
Tárbıelik:Shyǵarma ıdeıasy negizinde oqýshylardy adamgershilikke, meıirimdilikke, baýyrmaldyqqa tárbıeleý. Eljandylyq pen ultjandylyq sezimderin tereńdetý.
Sabaqtyń túri:qorytyndy sabaq
Tásilderi: toptyq jumys, problemalyq sıtýasıa týdyrý, damyta oqytý elementterin paıdalaný, suraq - jaýap, shyǵarmashylyq jumys, ádebı pikirtalas.
Pánaralyq baılanys:tarıh, ádebıet teorıasy, mýzyka, qazaq tili.
Kórnekiligi: kesteler, úlestirmeli kartochkalar men sýretter, memlekettik rámizder.
Sabaqtyń barysy:Sabaqtyń maqsaty men ereksheligine, taqyrybyna toqtalyp, túsindirilgennen soń, oqýshylar topqa bólinedi. Toptastyrýdyń ár túrli tásileri bar. Men bul sabaqta soǵys taqyrybyna jazǵan qazaq aqyn - jazýshylarynyń aty - jónin, shyǵarmalaryn jazbasha alý tásilin qoldandym. Sonyń nátıjesinde bir jazýshyny nemese bir shyǵarmany ataǵan oqýshylar bir topqa toptastyryldy.

1 tapsyrma. Úı jumysyn qaıtalaý.
a) Mátinde kezdesken qıyn sózderdiń anyqtamasyn taqtaǵa jazyńdar.
Gımnasterka - áskerı syrt kóılek.
Protez – adamnyń joq múshesiniń ornyna yńǵaılap jasalǵan jasandy múshe.
Lobogreıka – egin shabatyn mashına.
Aıyl – er toqymdy jyljymaıtyndaı ustap turatyn jalpaq qaıys tartpa.

á) Zıgfrıdtiń Zeken bolyp qalyptasý sebebi (tolyqtyr, pikir qos)
Zıgfrıd Vagner dep aıtýǵa tili kelmegen Ahmet shal ony qazaqshalap Zeken dep atady. Bar balasyn soǵysqa attandyryp, qara qaǵaz alyp, shańyraǵym shaıqalyp, otym óshedi dep otyrǵan Ahmettiń Zeken úmit shyraǵyn jaqty. Ózindegi bar meıirimin, ulttyq qasıetin osy Zeken boıyna sińirýge tyrysty. Sondyqtan Zeken birden óziniń týǵan úıine tap kelgendeı sezindi. Bótensimeı, sińip ketti. Áke men ananyń ystyq qushaǵy, jumsaq alaqany, mahabbaty Zekendi qazaq uly etip jiberdi.
b) Zeken áke úmitin aqtaı ala ma? (pikir aıt)
Iá, Zeken Ahmet atanyń týǵan ulyndaı bolyp ketti. Sebebi Zeken aqyldy bala. Ákesi ony ógeısitpeıdi, jetimdik kórsetpedi. Sondyqtan Zeken ósip, óziniń kim ekenin anyq bilgende de Ahmetuly bolyp qala berdi. Qart áke - sheshesin asyrady.

Muǵalimniń qorytyndy sózi: Iá, adamgershiligi mol, meıirimdi, jaqsy adam bolý úshin eshqandaı shekaranyń, násildiń, ulttyń, bilimniń qajeti joq. Júrek jylýy bolsa jetkilikti eken. Negizgisi - atanyń emes, adamnyń uly bola bil.

Jańa sabaqtyń taqyryby taqtaǵa jazylady. Ár topqa tapsyrma beriledi.
a) Mátinnen Dáýrenbektiń sózderin belgileńder, maǵynasyn ashyńdar.
á) Ahmettiń sózderin belgileńder.

b) Nartaı men Ertaı ólimine kim kináli?
Oqýshylardyń jaýaby tyńdalady, toptaǵy oqýshylar jaýap bergen oqýshyny tolyqtyryp otyrady. Dáýrenbektiń «jaýdy aıaǵan jaraly», «saqalyńnyń aǵynda jańsaq iske bastyń» degen sózderi aıyptalady. Ahmettiń «Aınalaıyn, úıge júr. Apań kútip otyr. Jurttyń sózin urǵanyń bar ma», «Syrtqy túr - pende, ishin aıt»,- degen sózderinen márttik, alǵan betinen qaıtpaıtyn qaısarlyq, tamasha adamgershilik seziletinin aıtady. Nartaı men Ertaıdyń taǵdyryna asyrap alǵan áke - sheshesin kinálaǵandar da boldy, sońynda bári «Oǵan kináli - soǵys» degen toqtamǵa keldi.

v) Jazbasha minezdeme berińder.
1. Dáýrenbeke
2. Ahmetke
3. Venn dıagramsy boıynsha negizgi eki keıipkerge salystyrma minezdeme berińder.

g) Eki topqa «Soǵys», «Beıbitshilik» dep jazylǵan úlken paraqtar berildi. Kún sáýlesi tárizdi syzyqshalar tarata otyryp, bul eki sóz qandaı uǵymdardy elestetetinderin jazý tapsyryldy.
Oqýshylardyń jaýaby: Beıbitshilik
Kúlki
Qýanysh
Toı - dýman
Baqyt
Bilim
Tynysh uıqy
Ashyq aspan

Soǵys
Ólim
Jetimder
Órtengen qala
Jylaý - syqtaý
Bosqan halyq
Múgedekter
Qaıǵy
Úshinshi topqa «Men soǵysty aıyptaımyn» atty aýyzsha oı - tolǵaý aıtý tapsyryldy.
Sabaqtyń qorytyndy bólimi: «Beıbitshilik – halyq armany ekenin, baýyrmaldyq qazaq halqynyń ulttyq ereksheligi ekenin elimizdiń rámizderinen kórýge bola ma?» degen suraq qoıylady.
Ár topqa jeke rámizder taratylyp, qazaq halqynyń beıbitshilikti ańsaǵan armanynyń kórinisi rámizder boıynan tabylyp, taratylyp aıtyldy.
Synyp oqýshylary sabaqtan úırengenin, túsingenin qol ustasyp, bir - biriniń júzine qarap aıtý arqyly qorytty.
Sabaq sońy «Aq kepterler» ánimen aıaqtaldy.