Otyrǵanyn qarashy kúıim kelmeı,
Qaıda kettiń?
O, Mýza! Quıyn jeldeı.
Aýzymdy ashsam ókpemnen jel úredi,
Qańyraǵan ıesiz dıirmendeı.
Muzdatady janymdy buıym kórmeı.
Jel úredi jelpinip, kórik-keýdem,
Kúıim kelmeı otyrmyn nelikten men?!
O, Mýza!
Qaıdasyń sen jelik bergen?
Jalyn men otqa ǵana erik bergen
Serigim, qaıdasyń sen senip kelgen?
Dápter jatyr paraǵy aýdarylmaı,
Aýdarylmaı shynymen qalǵany ma-aı!
Oılar jatyr eńsemdi bir kótertpeı,
Tonna-tonna qorǵasyn salmaǵyndaı.
O, Mýza!
Áýrege salǵanyń-aı!
Kútemin senen úmit, senen jiger,
Qısań maǵan, bıik pen tereńdi ber!
O, Mýza!
Maǵan alys sóreńdi ber!
Ǵaıyptan kel de, meni demep jiber.

---