InfoHub Logo

Tanymal «MýzART» tobynyń múshesi, ánshi Sáken Maıǵazıevtiń Instagram jelisindegi sońǵy jazbasy jurtshylyqtyń qyzý talqysyna aınaldy. Ánshi Ramazan aıynda quran baǵyshtap, zıarat jasap otyrǵan sátinen vıdeo jarıalap, kópshiliktiń synyna ilikti.

Bul týraly Infohub.kz aqparat agenttigi habarlaıdy.

Jelidegi pikirler

Ánshi jazbasynda: «Ia, RABBYM! Baǵyshtaǵan QURAN, jasaǵan zıaratymyzdy qabyl ete gór. Qasıetti RAMAZAN aıy qutty bolsyn, QAZAQ eli!» dep jazǵan. Alaıda, bul áreketi kópshiliktiń kóńilinen shyqpady. Jeli qoldanýshylary muny «ersi kórinis» dep atap, túsirilimniń qajetsizdigin alǵa tartty.

«Osyny túsirip júrgen adam qol jaımaı ma?», «Vıdeo túsirgenshe quranǵa qatyspaısyń ba?», «Qabyl bolsyn. Túsirýdiń esh qajeti joq», «Mynaý ne erkekter otyryp alǵan, qyz-kelinshekter tize búgip otyr», «Mindetti túrde túsirý kerek pe?» degen sıaqty pikirler jazyldy.

Keıbir pikirlerde ánshiniń áreketi dinı rásimderdi kórsetýdegi jaýapkershiliktiń joqtyǵyn bildiredi degen oı aıtylǵan. Degenmen, bul jaǵdaıǵa qatysty ánshiniń ózinen ázirge resmı jaýap berilmedi.