Photo: Ayazhan (https://www.pexels.com/@ayazhan-3173683) / Pexels
Myńdaǵan kásipker shyǵynda: Qazaqstanda JSHS jappaı jabylýda
Qazaqstanda shaǵyn jáne orta bıznes sany kúrt azaıdy. Jyl basynan beri 64 myńnan astam kásiporyn jumysyn toqtatty, olardyń basym kópshiligi – jeke kásipkerler.
Bul týraly Infohub.kz aqparat agenttigi habarlaıdy.
Statısıka ne deıdi?
Ulttyq statısıka búrosynyń dereginshe, jyl basynan beri elimizde shaǵyn jáne orta bıznes sýbektileriniń 64,2 myńy jumysyn toqtatqan. Eń kóp jabylý – jeke kásipkerler arasynda. Olardyń sany shamamen 5%-ǵa azaıǵan. Bul kórsetkish ásirese saýda jáne kólik salalarynda aıqyn baıqalady. Bul – dástúrli túrde shaǵyn bıznes ókilderi kóp shoǵyrlanǵan salalar.
Nege mundaı jaǵdaı oryn aldy?
Sarapshylar muny eki negizgi sebeppen túsindiredi. Birinshisi – naryqtyń «aǵarýy». Buryn salyqty azaıtý úshin kásipkerler óz bıznesin birneshe JSHS-ke bólip júrgen. Alaıda, qazir baqylaý kúsheıip, mundaı sqemalar joıylyp, artyq JSHS-ter jabylýda. Ekinshi sebep – halyqtyń tutynýynyń azaıýy. Suranys tómendep, shaǵyn bızneske ómir súrý qıyndap barady. Saýdanyń ósý qarqyny da báseńdegen. Ótken jyly bul kórsetkish shamamen 6% bolsa, bıylǵy jyldyń basynda 3,4% shamasynda. Bul tikeleı kásipkerlerge áser etedi: satyp alýshylar azaısa, tabys ta azaıady, sáıkesinshe, bıznes jabylýǵa májbúr bolady.
-
Planned maintenance will temporarily disrupt electricity in parts of Almaty on March 26 and 27. Find out which streets will be affected and when.
-
Thousands of small and medium-sized enterprises, primarily sole proprietorships, have ceased operations in Kazakhstan due to market 'whitening' and declining consumer demand.
