InfoHub Logo

Memleket jáne qoǵam qaıratkeri, Qazaqstan Ulttyq ǵylym akademıasynyń akademıgi Myrzataı Joldasbekov elordanyń alǵashqy qalyptasý kezeńindegi estelikterin bólisti.

Bul týraly Infohub.kz aqparat agenttigi habarlaıdy.

Ǵalymnyń aıtýynsha, ol 2000 jyly arnaıy shaqyrtýmen Astanaǵa kelgen. Sodan beri shırek ǵasyrǵa jýyq ýaqyt ishinde qalanyń qalaı boı kótergenine kýá bolǵanyn aıtady. Myrzataı Joldasbekov bul týraly Astana qalasy ákimdiginiń "Rýhanıat" komýnaldyq memlekettik mekemesine bergen suhbatynda áńgimelegen.

Elordanyń týǵan kúni týraly estelikter

Suhbat barysynda akademık Nursultan Nazarbaevtyń elordany damytý jolyndaǵy eńbegi men sol kezeńdegi jumys qarqyny týraly oı qozǵady.

"Jaǵalaýda "Pıoner úıi" degen bar, basqa baratyn jer joq. Sol jyly Prezıdent memleket qyzmetindegi, elge eńbegi sińgen dárejeli adamnyń bárin shaqyrdy. Astananyń keleshegi týraly áńgime qozǵady. Sol jaǵalaýda túk joq. Jylan jalaǵandaı… Sol jerde turyp, Nurekeń "anaý bolady, mynaý bolady" dep, bárin jyrdaı qylyp aıtty. İshimnen oıladym: "Sóz degen aıtyla beredi eken ǵoı. Kim isteıdi onyń bárin? Qashan bolady bul?" dep. Al, qazir qarap otyrsań, qala ósip barady. Statısıkaǵa qarap otyrsam, 2 mln-nan asypty Astananyń halqy. Budan buryn, tas úı salǵandy kórdik. Zaýyt salǵandy kórdik. Al, qala salǵandy, onyń ishinde Astana salǵandy kórgenimiz joq! Bul ǵasyrda biz sıaqty astana salǵan memleket joq! Sol jaǵalaýda qazir kúni-túni adam! Jastardyń júrgen jeri – oıyn-kúlki, toı! Bul – jaqsylyqtyń belgisi", – degen edi Myrzataı Joldasbekov.