InfoHub Logo

Belgili prodúser Gúlzıra Aıdarbekova aldaǵy ýaqytta jasaıtyn otasy aldyndaǵy qorqynyshyn jasyrmady. Ol áleýmettik jelidegi paraqshasynda jaqynda ótetin operasıaǵa baılanysty alańdaýshylyǵyn bildirip, oqyrmandarynan duǵa etýdi surady.

Bul týraly Infohub.kz aqparat agenttigi habarlaıdy.

Alańdaýshylyq pen úmit

Aıdarbekovanyń aıtýynsha, sońǵy kúnderi ony túrli oılar mazalap júr. Ol tipti operasıa kezinde esin jımaýdan qorqatynyn jetkizdi. "Pende bolǵan soń ýaıymsyz bolmaımyz ǵoı. Buıyrtsa, ótimdi qaldyryp, úlken tastardy aldyrtýǵa jolǵa shyǵyp jatyrmyn, erteń ota jasalyný kerek. Keshe balalarymmen qydyrýǵa shyǵyp bara jatyp oılap qoıamyn, men nege sonsha sándenip kıinip jatyrmyn, boı túzep jatqan joqpyn ba, operasıa kezinde narkozdan oıanbaı qalmaımyn ba, ár zatyma qyzyǵýshylyqpen, qımastyqpen qarap kettim be, nege mıymdy qorqynyshty jaman oılar torlap aldy dep, ózimnen-ózim kóńilim ár nársege bosaýmen júrdim", - dep jazdy prodúser.

Tús jáne qoldaý

Sonymen qatar, Gúlzıra Aıdarbekova túsinde alǵan belgiler men kútpegen jerden estigen jubatý sózderine erekshe toqtaldy. Ol @aigul.ag esimdi jannyń ózine habarlasyp, jyly lebiz bildirgenin aıtyp, munyń ózine úlken jiger bergenin atap ótti. "Tún jarymda @aigul.ag esime tústi. Aldynda tús kórip, ıstorıasynda Qaırattyń mamasyn ne úshin kórgenimdi bilmeımin, densaýlyǵyna kóńil bólsinshi dep aıtqanyn, elder maǵan kóp jiberdi. Daıregine tanymasam da sms jazyp, biraq jaýap almaǵanmyn. Qaıta kirip qarasam sms jazypty, vatsap nómirin de jaza ketipti. Bir Alla ǵoı retke keltirýshi, biraq túsi de aıany da týra keletiniń qarap júrgenmin. Bári jaqsy bolady degen jyly sózin estip qýanyp qaldym. Bir aýyz jyly sóz adamǵa qanshalyqty jiger beredi deseńshi. Kópshilik duǵasyn Alla esh qaldyrmaıdy ǵoı, sizderde sáttilik tilep ketińizdershi, meniń ómirimniń bir bólshegi, bar syrymdy aqtarar oqyrmandarym!", - dedi ol.