InfoHub Logo

Shyǵys Qazaqstan oblysy,
Aıagóz aýdany, «Gornyı JBBOM» KMM
Jaǵyparova Araı Baqytqyzy

Taqyryby: «Naýryzym – merekem, Naýryzym - qut berekem»
Maqsaty: Qazaqtyń salt - dástúrleri týraly bilimderin keńeıtý; sóıleý sheberlikterin jetildirý, sahnalaý ónerine baýlý; balalardy ulttyq salt - dástúr úlgisinde tárbıeleý. Kópshilik qaýymdy, oqýshylardy Naýryz toıynyń dástúrlerimen, Ulystyń uly kúni jasalatyn joralǵylarmen tanystyrý.
Kórnekiligi:
Túri: Saıys
Jospary:
İ. Tanystyrý
İİ. Úı tapsyrmasy. «Ulttyq taǵamdar»
İİİ. Suraq - jaýap «Bilgenge marjan»
İÚ. Naýryz syı
Ú. Óz ónerleri. Naýryz týraly, halyq ánderin oryndaý
Barysy:
Muǵalim: Jer álemdi jaınatyp, ánshi qustardy saıratyp, Naýryz toıyn toılatyp, Ulystyń uly kúni keldi, halaıyq! Toı qutty bolsyn! Ulys oń bolsyn! Aq mol bolsyn!
Qurmetti qonaqtar! 5 - klass oqýshylary jáne ata - analarymen uıymdastyrylyp otyrǵan «Naýryzym – merekem, Naýryzym - qut berekem» atty merekelik saıysqa qosh keldińizder!
1, 2 - júrgizýshiler:
Armysyń, shapaǵatty kúnimiz (Kúnge qaraıdy)
Armysyń, meıirimdi jerimiz (Qoldaryn jerge jaqyndatady)
Armysyń, tabıǵat anamyz (Bastaryn ıedi)
Keldi sizge ózińizdiń balańyz (Ózderin kórsetedi)
1 - júrgizýshi: Assalaýmaǵaleıkým! «Men adammyn, adamdyǵymdy bildiremin». «Allanyń nury jaýsyn!»
Ulys oń bolsyn,
Aq mol bolsyn!
2 - júrgizýshi: Ýaǵaleıkýmassalam! «Men den adammyn, adamdyǵymdy bildiremin», «Sizge de Allanyń nury jaýsyn!»
Ulys oń bolsyn,
Pále - jala jerge ensin!(eki oqýshy tós qaǵystyryp amandasady)
1 - júrgizýshi:
Naýryz toıǵa jınalǵan halqym meniń,
Bárińniń oıǵa alǵanyń jarqyn senim.
Búgingi toı – erteńgi ardaqty isiń,
Ǵajap bolsyn tappaıtyn tepe - teńin.
2 - júrgizýshi:
Naýryz qaıtyp oraldy aty da ańyz,
Suramaımyz alǵys ta, aqy da biz.
Úı - dastarhan, dalamyz – sahnamyz,
Uly meıram Naýryzdy qarsy alamyz.
1 - júrgizýshi: Ortaǵa búgingi merekelik saıysymyzdyń qonaqtaryn shaqyraıyq.
2 - júrgizýshi: Qarlyǵash ákesimen,
1 - júrgizýshi: Janerke anasymen,

1 - júrgizýshi: Saıyskerlerimizge qatysýshy retin berý (qorjynnan asyq tańdatý arqyly)
2 - júrgizýshi: Ýa, halaıyq!
Habarlaıyn bárińe,
Búgin qyzyq, bar qyzyq,
Bolǵaly jatyr mol qyzyq, - deı otyra merekelik saıysymyzdyń shartymen tanystyryp óteıik.
1 - júrgizýshi:
İ. Tanystyrý
İİ. Úı tapsyrmasy. Ulttyq taǵam
İİİ. «Bilgenge marjan». Suraq - jaýap
İÚ. Tosyn syı
Ú. Óz ónerleri. Naýryz, halyq ánderin oryndaý
2 - júrgizýshi:
Sálemdesý – atadan qalǵan saltymyz,
Osy saltty ustanady halqymyz.
Saıyskerler ónerdi sal endeshe,
Amandasyp kórińizder ózgeshe,- deı kele kezekti tanystyrý bólimine beremiz.
1 - nómirli jup: Janerke anasymen
1. Abzal elim, ardaqtaǵan armysyń,
Týǵan - týys, aýyldastar barmysyń.
Áz naýryz meıramymen quttyqtap,
Alaıyqshy úlkenderdiń alǵysyn.

2. Ata - anamnyń qyzy balam men erke,
Jan - jaqtymyn jaqynmyn ónerge.
Rýym - naıman, tanystyrsam ózimdi
Aldaryńyzda Bolatbekqyzy Janerke

3. Ákem bar Bolattaı adal adam,
Bul ómirde adam joq odan asqan.
Ata jolyn qýyp usta bolǵan,
Qadirleımin ákemdi, asqaqtatam.

4. Kúlásh dep esimimdi tanystyrsam,
Rýymdy qarasha dep tanys qylsam.
Apa atanyp, nemere súısem-daǵy,
Jasyńdy da jeńemin jarystyrsań.

2 - nómirli jup: Madına anasymen
1. Keldik biz saıysqa túsip aldyńyzǵa,
Rızamyz myna otyrǵan barshańyzǵa.
Naýryzben quttyqtap biz sizderdi,
Iilip sálem berdik jalpyńyzǵa.

2. Ata - anamnyń saıasynda erjetemin,
Aıaýly aq besikte terbetilgen.
Gúlnaradaı aq nıetti asyl jandy,
Tappaspyn aınalsam da jer betinen.

3. Qyzǵa beriler anasynan qasıet,
Qyz balaǵa ata - anadan ósıet.
Túńǵyshym bop baǵyn synap kelip tur,
Madınadaı aıaýly qyzym jarqyrap.

4. Anashym bar óner - bilgenin aıamaǵan,
Dostary men kórshilerge syıly adam.
Bir áýlettiń ıbaly kelini bop,
Joqtan bardy jasaıtyn jomart anam.

5. Saıysar óner, bilim boıymyzda,
Bólisip ortaǵa saldy oıymyzdy.
Óner - bilim báride qolymyzda,
Sáttilik tileımiz biz jalpyńyzǵa.

3 - nómirli jup: Qarlyǵash ákesimen
1. Amandasyp sálem berem bárine,
Myna keshtiń kýá boldym sánine.
Ulys kúni oń bolsyn dep jatady,
Salt - dástúrdi ustanamyn árıne.

2. Assalaýmaǵaleıkým, altyn elim,
Atym Qabyl minezim jarqyn meniń.
Qyzymmen birge saıysqa shyǵyp turmyn,
Qoldaý kútem sizderden jarqyn elim.

3. Jalpaq jurtqa tanystyrsam ózimdi,
Qaısar qyzbyn nebir synǵa tózimdi.
Esimim bar Qarlyǵash dep atalǵan,
Ońajyttan rýym meniń taraǵan.

4. Anam Altyn, men qazaqtyń balasy,
Bizdeı jastyń bıik bolsyn sanasy.
Qarsy topqa tek sáttilik tileımiz,
Myna keshtiń bıik bolsyn baǵasy.

4 - nómirli jup: Tamılla anasymen
1. Armysyń ardaqtaǵan halqym meniń,
Bas ıip sálem berem altyn elim.
Búgingi syn saıysqa arqaý bolǵan,
Áz naýryz qutty bolsyn jarqyn elim.

2. Kóktemniń, naýryzdyń ǵajabyn - aı,
Naýryz dep barlyq qazaq salady án.
Ulystyń uly kúni qutty bolsyn,
Iilip sálem berem qazaǵyma.

3. Jan botam sensiń meniń qolǵanatym,
Kóterip kóńilimdi sen tabasyń.
Aldaryńda Tamılladaı aqyldy qyz,
Kirgizer osy keshtiń saltanatyn.

4. Rýym Tóleńgit Ýanastan taraımyn,
Jan ákemdi asqar taýǵa balaımyn.
Al, anashym kóp balanyń anasy,
Bar meıirimin tógip júrgen laıym.