Naýsherýan ańda júrip kıik atqan,
Ań etin jemek bolyp asyp jatqan.
«Et piskenshe tez kel‚ – dep bir joldasyn,
Tuz ákel»,– dep jumsapty bir qyshlaqtan.

Qaıtadan shaqyryp ap talaı jerden:
«Tuzdy tegin alma»,– dep ámir bergen.
«Shymshym tuz bir tıynǵa tatymaıdy,
Bu qalaı?» – dep ýáziri tura kelgen.

Naýsherýan aıtqan sonda: «Eı, ýázirim,
Aıtaıyn, jaqsy tyńda munyń syryn.
Basshy alsa bir almany baǵa bermeı,
Qosshy qurtar almanyń túp tamyryn.

Men alsam eldiń jalǵyz jumyrtqasyn,
Kesersiń myń taýyqtyń sender basyn.
Súıte-súıte ashylyp arandaryń,
Aǵyzarsyń bul eldiń qandy jasyn».

Jebir ulyq halqyna qas qylady,
Kóńilin sherli, kózderin jas qylady.
Qıanat qyldaı isten bastalmaqshy,
Eskermese, az naýqas asqynady.

Mal, mansap adamzatty mac qylady,
Meıirimdi et-júregin tas qylady.
Tákabbar, ádiletsiz zalymdardy
Baǵy qaıtqan sorly elge bas qylady.

Shyn atyn Naýsherýannyń el bilmeıdi,
Tili kelmeı «Mucyraýyn ádil» deıdi.
Aqjúrek ádilderdiń qylyǵy anaý,
Jebir ulyq zarlatyp eldi jeıdi.

Muny aıtsań, alatyndaı tildi kesip,
Maqtanady menen kim ádil desip.
Teńdiktiń atyn estip, dámin tatpaı,
Ótemiz de júrekti qaıǵy tesip.

---