InfoHub Logo

Astanadaǵy bas meshitte ótken aýyzasharǵa qatysqan azamatshanyń áserli jazbasy áleýmettik jelide qyzý talqyǵa aınaldy. Ol burynǵy prezıdent Nursultan Nazarbaevtyń uıymdastyrǵan aýyzasharynan alǵan áserin bólisken.

Bul týraly Infohub.kz aqparat agenttigi habarlaıdy.

Threads jelisinde Balerke Qurmanǵalıeva esimdi paıdalanýshy: "Búgin Astana qalasynda Bas meshitke, jamaǵattyń aýyzasharyna bardym. Qansha ýaqyt oraza ustap júrsem de, birinshi ret meshit jamaǵatymen aýyz ashtym. Aýyz ashardy kim berip jatqanyn ózim de estip tań qaldym. Allanyń qudireti sheksiz ǵoı. Tuńǵysh elbasymyzdyń aýyzashary eken. Bilmeımin, bir keremet áser de bolyp qaıttym, artynan taraýıhqa qaldyq. Allah sol rızyqty buıyrtyp turǵanyn aıtam da. Tanys, týǵan, dos-jaran aýyzasharǵa barǵan bir basqa da. Nursultan Ábishuly Nazarbaevtiń aýyzasharyna qonaq bolý bir basqa", - dep jazdy.

Atalǵan jazba kópshiliktiń nazaryn aýdaryp, túrli pikirler týdyrdy. Keıbir oqyrmandar eks-prezıdentke ıgi tilekterin bildirse, endi bireýleri "halyqtyń aqshasyna istep jatyr", "aýyzashar berip, saýap jınaǵysy kelgen bolar", "sonsha jazatyndaı emes qoı, búkil oblysta aýyzashar beretin mıllıardtary bar emes pe onyń" degendeı syn pikirler aıtty.