InfoHub Logo

Budan birneshe jyl buryn eks-prezıdent Nursultan Nazarbaevtyń tikeleı tapsyrmasymen qyzmetinen bosatylǵan Haırat Káribjanov qazirgi ýaqytta «QazTrade» saýda saıasatyn damytý ortalyǵynyń bas dırektorlar keńesiniń tóraǵasy qyzmetin atqaryp otyr.

Bul týraly Infohub.kz aqparat agenttigi habarlaıdy.

Káribjanov atalǵan mekemege 2023 jyldyń qarasha aıynda táýelsiz dırektor retinde kelgen. Al bıylǵy jyldyń mamyr aıynan bastap «QazTrade» aksıonerlik qoǵamynyń bas dırektorlar keńesiniń tóraǵasy laýazymyna taǵaıyndalyp, kadrlar jáne syıaqylar komıtetin de basqarý quqyǵyna ıe boldy. Ol sondaı-aq táýelsiz dırektorlar qaýymdastyǵynyń múshesi sanalady.

Nazarbaevtyń narazylyǵy

Esterińizge sala keteıik, 2006 jyldyń qyrkúıek aıynda Qaýipsizdik keńesiniń otyrysynda eks-prezıdent Nursultan Nazarbaev sol kezdegi úkimet basshysy Danıal Ahmetovke «Qazaqtelekom» kompanıasynyń basshysy Haırat Káribjanovty qyzmetinen bosatýdy tapsyrǵan bolatyn. Nazarbaev Káribjanovtyń aıyna 364 myń dollar jalaqy men 2 mıllıon dollardan asatyn jyldyq syıaqysyna qatty narazylyq bildirip, onyń jumys isteýge moraldyq quqyǵy joq ekenin aıtqan.

«Qazaqtelekom» kompanıasynyń prezıdenti jumystan tez arada bosatylsyn. Ozbyrlyqqa boı aldyrǵandardyń bárine aqshany óz betimen qaıtarýǵa nusqaý berilsin. Qaıtarmaǵandardy jeke tizimge qamtyp, baspasóz betterinde jarıalaý kerek. Artynan zańdy túrde tekserý júrgiziletin bolady», – degen edi sol kezde Nursultan Nazarbaev.

Osy jıynnan keıin Haırat Káribjanov ózine bonýs retinde berilgen qarajatty memleketke qaıtaryp berdi. Ulttyq kompanıany 6 jyl basqarǵan ol qyzmetinen ketken soń «Qazınformtelekom» mekemesine aýysqan bolatyn.

«QazTrade» ortalyǵynyń jańa basshysy

Búginde Haırat Káribjanov basqaratyn «QazTrade» ortalyǵy – Saýda jáne ıntegrasıa mınıstrligine baǵynatyn ulttyq ınstıtýt. Jaqynda bul mekemeniń túrli is-sharalarǵa 151 mıllıon teńge jumsaýdy josparlap otyrǵany anyqtaldy.