InfoHub Logo

Tanymal shoýmen Tursynbek Qabatovtyń jubaıy Aıman Talǵatqyzy jelidegi belsendilerdiń synyna jaýap berdi. Ol ózgelerdiń ómirin talqylap, jaǵymsyz pikir bildiretinderge qarata aıtty.

Bul týraly Infohub.kz aqparat agenttigi habarlaıdy.

"Ózderińiz ne bitirdińizder?"

Aıman Talǵatqyzynyń aıtýynsha, adamdardyń basqalardyń ómirin talqylaýǵa ýaqyty jetpeı, ózderiniń ómirlerine nazar aýdarýy kerek.

"Eger myqty bolsań, qazaq úshin, el úshin, jer úshin bir nárse oılap tap, paıdańdy tıgiz. Sodan keıin baryp bireýdi talqylap, murnyńdy shuqyp aıtaryńdy aıt. Biraq ókinishke oraı, bizdiń qoǵamda ondaılar joqtyń qasy. Kórip otyrmyz, keıbir áıelder bireýdi dattap otyryp, óziniń jaqyn qurbysyna qatty tıip jatqanyn sezbeıdi. Bireýdiń ekinshi áıelimen dos bolyp júrip, basqa bireýdi áńgime qylady. Bir áıeldi kóterip, bir áıeldi túsirip otyrǵanyn kórip jatyrmyz. Ekijúzdilik qaıda jatyr? Biraq ózderiniń qolynan keletin bir is joq. "Qazaqqa jaýdyń keregi joq" degen sóz ras eken", - dedi ol.

"Nege siz Qabatov bola almaısyz?"

Shoýmenniń jubaıy Tursynbek Qabatovtyń jetistikterine de toqtaldy.

"Kimniń kim ekenin de kórdik, estidik, túsindik. Qus sekildi qanatymyzdy bir qaǵyp jiberip, ári qaraı ushyp baramyz. Oǵan eshkimniń talasy joq. Qabatovty Qabatov qylǵan – bir Alla jáne tynymsyz eńbegi. Nege siz Qabatov bola almaısyz mysaly? Bola almaısyz. Eń bolmaǵanda áleýmettik jeliden bir nárse pisirip, nege atyń shyqpaı jatyr? Ony da jasaı almaısyń, biraq ósek aıtqanda, qarǵaǵanda aldyńa jan salmaısyń. Sebebi sen Qabatov emessiń. Ár sózdiń jany bar. Alla ár jandy erekshe darynmen jaratady. Mańdaıyna jazady", - dep qorytyndylady Aıman Talǵatqyzy.