InfoHub Logo

Otbasy - adam ómirindegi eń basty qundylyq. Kez-kelgen sábı dúnıege kelgennen sátten bastap otbasyny, qamqor ata-anany qajet etedi.

Búginde bárimiz otbasynyń mańyzdylyǵyn jáne onyń bizdiń ómirimizge qalaı áser etetinin bile bermeımiz. Shyn máninde, adam balasynyń uly baılyǵy – ol otbasy. Nelikten adam ómirinde otbasy mańyzdy róldi atqarady?

Birinshiden, bizdiń tulǵa retinde qalyptasýymyzda otbasymyzdyń atqaratyn róli óte úlken. Iaǵnı, bizdiń ómirge degen kózqarastyrymyzdyń  jáne tulǵa retinde qasıetterimizdiń qalyptasýy ata-ana tárbıesinen bastalady. Ata-ana balaǵa jaqsy tárbıe bere alǵan kezde ǵana, onyń boıynda eń jaqsy qasıetter qalyptasady. Osy oraıda, meniń oıymsha bizdiń adamgershiligi mol, jaqsy adam bolýymyzdyń  kepili – ata-ananyń beretin  ıgi tárbıesi.

Ekinshiden, adamnyń  túrli sferalarda jetistikterge  jetýi  - ol  ata-ananyń jáne  otbasy músheleriniń qoldaýy. Dál sol sekildi, ómirimizde túrli sátsizdikter men qıyndyqtarǵa tap bolǵan kezde otbasyńnyń janynda bolyp, qorǵan bolýy óte mańyzdy.

Úshinshiden, otbasy bizge jylýlyq, jaılylyq, tynyshtyq syılaıdy. Qalaı degenmen úıde bizdi jaqsy kóretin, túsinetin, qıyn jaǵdaıda qol ushyn sozatyn adamdar qorshaıdy.

Tórtinshiden, otbasyndaǵy qalyptasqan syılastyq, sypaıylyq basqa adamdarmen jaqsy qarym-qatynasta bolýymyzǵa áser etedi. Taǵy qosarym, ata-ana beretin tárbıe, úlgi, nasıhat, otbasyndaǵy adamdardyń ózara  qarym-qatynasy bolashaqta óz shańyraǵymyzdyń jaqsy ne jaman bolýyna sebep bolady.

Joǵaryda aıtylǵan faktorlar sany jaǵynan az bolýy múmkin, biraq bizdiń ómirimizde - otbasy quny ólshenbeıtin baqyt. Ár adamǵa otbasy qajet. Árbir adam mahabbatqa, jaqsy tárbıege,súıispenshilikke laıyqty. Sondyqtan da, bizge árqashan qorǵan bola alatyn otbasymyzdy syılaıyq.

---