Photo: Lorenza Magnaghi (https://www.pexels.com/@lorenza-magnaghi-660554185) / Pexels
Nýrlan Sabýrov Qazaqstannan kete me? Komedıanttyń aldaǵy jospary
Tanymal orys stendap-komedıanty Nýrlan Sabýrovtyń Qazaqstannan ketetini týraly aqparat el ishinde qyzý talqylanyp jatyr. Komedıanttyń aldaǵy josparlaryna qarap, onyń jaqyn arada Qazaqstannan tys jerlerde óner kórsetetinin baıqaýǵa bolady.
Bul týraly Infohub.kz aqparat agenttigi habarlaıdy.
Azıaǵa sapar shegedi
Aqparatqa súıensek, Nýrlan Sabýrov 25 aqpanda Taılandtyń Phýket qalasynda óner kórsetýdi josparlap otyr. Konsertke bıletter áli satylymda, bul sharanyń ázirge toqtatylmaǵanyn bildiredi. Royal Phuket City Hotel-de ótetin bul sharaǵa shamamen 2 myń kórermen syıady. Bılet quny 8 myńnan 20 myń rúblge deıin (19 myńnan 130 myń teńgege deıin) baǵalanady. Komedıanttyń resmı saıtynda baǵalar reseılik valútada kórsetilgen.
Sondaı-aq, sáýir aıynda Sabýrovtyń Shanhaı, Gýanchjoý jáne Pekın qalalarynda óner kórsetýi josparlanǵan.
Esterińizge sala keteıik, buǵan deıin komedıantqa Reseıge 50 jylǵa kirýge tyıym salynǵan bolatyn.
Buǵan deıingi jaǵdaılar
Buǵan deıin Qazaqstannyń Ulttyq qaýipsizdik komıteti Nýrlan Sabýrovqa qatysty tekserý bastaǵan edi. Sebebi, komedıanttyń «Vagner legiony» jasaǵyna 10 motosıkl tabystap, olarǵa «jeńispen oralýlaryn» tilegen vıdeosy paıda bolǵan bolatyn. Bul áreketi úshin oǵan qatysty Qazaqstannyń Bas prokýratýrasyna da shaǵym túsirilgen.
-
Askarbek Yertayev has officially taken office as the Minister of Labor and Social Protection, pledging his commitment to public service.
-
Almatydaǵy Medeý aýdandyq sotynda Olga Abdygapparovanyń isi boıynsha sot talqylaýy ótti. Memlekettik aıyptaýshy eks-sheneýnikke 8 jyl bas bostandyǵynan aıyrýdy surady.
