InfoHub Logo

- Qabyrǵa gazetine óleń jazshy, - dedi birde buǵan qyzdar. - Birinshi mamyr merekesine arnap shyǵarýymyz kerek.

Mektep qabyrǵasynda júrgende de, osynda kelgeli de, óleń jazý degendi bylaı qoıǵanda, qalam ustaı qoıaıynshy degen oı arman-maqsatynda da bolyp kórmegen edi. Bulardan birinshi kýrsta shyǵarma jumysyn alǵany bar. Bar bolǵany bir-aq ret. Sol joly ózderinen shyǵarma jumysyn alǵan aǵaıy:

- Sen osy áńgime jazbaısyń ba? - dedi.

Bul jazbaıtyndyǵyn aıtty.

- Shyǵarma jumysyńa qarap otyryp, áńgime jazatyn bala shyǵar dep oılap edim.

Oqýyn bitirip mektepke muǵalim bolyp ketken jylynyń ekinshi jylynda munyń 1456 jyldy negizge ala otyryp, Qazaq handyǵynyń 540 jyldyǵyna arnap ózi qyzyǵýshylyǵymen jazǵan dápterine kópshilik te qyzyǵýshylyq tanytyp, jumyla júrip mádenıet Úıiniń sahnasyna qoıyp shyqqany bar. Osy sharadan keıin eki aı ótkende, birde mektep dırektory pedsovettiń ústinde 8 naýryz merekesine oraı ótkiziletin is-sharanyń jumystaryna baılanysty úsh adamnyń biri retinde buǵan da jumys júktedi. Pedsovet 8 naýryz merekesine baılanysty eki jumysty baǵdarlaǵan edi. Biri - sahnada ótiletin "Qyz syny" baıqaýy, ekinshisi - názik jandy ustaz apaılardyń qurmetine arnalǵan dastarqan mázirine oraılastyrylyp ótkiziletin merekelik is-shara. Biraq ózine tapsyrylǵan osy eki is-sharanyń da baǵdarlamasyn bul jazbaıtyn boldy. Ózine áý basta tapsyrylǵan jumysty jazbaıtyn bolǵannan keıin, endi bul 8 naýryz merekesine baılanysty qaıtse de basqa bir dúnıe jazsam degen oıda boldy. Sondaǵy dittegen oıy osy merekege oraı óleń jazyp kórsem degen oı edi. Paraqqa qazaq arýlarynyń qurmetine arnalyp jazylǵan óleńi tústi. Ótkendegi dápterdegi dúnıeni osyndaı jumystarda tájirıbe jınap qalǵan mádenıet qyzmetkeri bolyp isteıtin jigit: "Mynaý senarı ǵoı. Muny sahnaǵa ózim daıyndap shyǵaramyn", - dep, ári qaraı kópshilik bolyp qaýmalasyp alyp ketken edi. Endi paraqtaǵy dúnıeni muǵalıma áriptesine alyp barmaq boldy. Sebebi bul muǵalıma áriptesi únemi mekteptegi is-sharalarǵa atsalysyp júretin, solardy turaqty túrde júrgizetin jáne kórkemdep jatqa óleń oqıtyn ustaz edi.

Áriptesi óleńdi oqyp turdy. Sonan soń: "Jaqsy boldy ǵoı, men ózim erteń júrgizgeli turǵan "Qyz syny" baıqaýynyń ortasynda kórkemsóz retinde oqýǵa óleń izdegeli tur edim. Endi men myna óleńdi oqımyn", - dedi.

Erteńine áriptesi "Qyz syny" baıqaýynyń ortasynda munyń óleńin óziniń óleń oqıtyn mánerimen kórkemdep oqyp turdy. Kóp uzamaı óleńi aýdandyq gazettiń betinde jaryq kórdi.

---