InfoHub Logo

Eldigimmen maqtanam

Jánibek pen Kereı handar bastaǵan,
Arttarynan búkil Alash qostaǵan.
Maıyspaıtyn qatty qaısar bolattaı,
Qazaǵymnyń handyǵymen maqtanam

Alashqa aıan qazaǵymnyń handyǵy,
Aýyr boldy handyǵymnyń taǵdyry.
Sonda - daǵy alaqandy jumsa eger,
Judyryqta jınalatyn barlyǵy.

Asan qaıǵy, Qaztýǵandar jyrlaǵan,
Qoınaýyńda jatyr seniń syr dalam.
Alty alashtyń qosylǵany tarıh bop,
Bastaý alǵan sonaý alys ǵasyrdan.

Jalmasa jaý qaıyspaǵan qazaǵym,
Kórse - daǵy talaı eldiń azabyn.
Arqasynda tatýlyq pen dostyqtyń,
Bulbuldardan saırap shyqty ǵajap ún.

Tek birliktiń arqasynda el boldyń,
Qaýmalaǵan jaýlaryńdy jer qyldyń.
Qınalǵanda qorǵan bolǵan, o, Allam,
Qazaǵyma osy kúndi buıyrdyń.

Qazaǵym - baǵa jetpes maqtanyshym,
Óziń jaıly qozǵamaqpyn qalam ushyn.
Baqyttymyn bolǵanyna ultym qazaq,
Júregimnen tilekterim tógildi shyn.

Búginde biz myqtymyz, uly elmiz,
Táýelsiz eldermenen shektesemiz.
Beıbitshiliktiń belgisi - týymyzdy,
Áli talaı bıikterge kóteremiz.

Jasasyn alash, jasasyn qazaq árdaıym.
Elimdi maqtap aǵyzaıyn jyr maıyn!
Qazaqpyn dep maqtanatyn urpaǵyń,
Óse bersin, óne bersin kún saıyn!

MAǴJAN ATA
Halqyna súıeý bolǵan Maǵjan ata,
Jurtyna jyr arnaǵan armandata.
Eli úshin, jeri úshin janyn bergen,
Sen naǵyz meıirbansyń, Maǵjan ata!

Maǵjan ata, ádebıette ornyń bólek,
Aqyndardyń qatarynda tursyń erek.
Umytylmasyn eshqashan tilimiz dep,
Urpaqtardy kettiń sen, jelep jebep.

Jolymenen Abaıdyń júrip óttiń,
Tilimizdi qazaqtyń bıik ettiń.
Bos sendelip, ótkizbeı myna ómirdi,
«Bilim al» dep urpaqqa úndep kettiń.

Qulshyndyń, oqý oqyp, talaptandyń,
Túspeý úshin qataryna nadandardyń.
Ómir súrdiń, tek alǵa umtylýmen,
Shaptyń sen, ortasynda, baq pen ardyń.

Qazanda jaryq kórdi «Sholpan» jyryń,
Sharshamaı, eńbektendiń tappaı tynym.
Aıanbadyń jetý úshin maqsatyńa,
Baǵyndyrdyń belesin aqyndyqtyń.

Jetik bildiń mádenıetin orystardyń,
Aldyn kórdiń ardaqty ustazdardyń.
Shyńyna bıikterdiń qulash uryp,
Ozý úshin ózgelerden namystandyń.

Qalamadyń tilimizdiń umytylǵanyn,
Urpaqtardyń bilimin qolǵa aldyń.
Ádebıettiń búginde kógindesiń,
Jarqyn qyldyń jastardyń bolashaǵyn.

Farıza apa
Týyp eń, munaıly ólke – Atyraýda,
Elimniń asyly sen, Farıza apa!
Atyraýyń jarqyrap turýshy edi,
Aqyndardyń qatarynda óziń barda.

Farıza apa, Farıza ana, Farıza aqyn,
Poezıany janyna qylǵan jaqyn.
Talaı adam ótti ǵoı túsinbesten,
Farızanyń muńy men jyrdyń parqyn.

Muqaǵalı ketti ǵoı seni jyrlap,
Nebir sózder, óleńderin ózińe arnap.
Ol da ótti ómirden túńilýmen,
Bes kúndik dúnıeniń kúnin sanap.

«Poezıa padıshasy» aldyń ataq,
Urpaqtaryń seni maqtap, aıtty madaq.
Saǵan jeter «aqyn apa» taba almaspyz,
Dúnıeni ketsek te, myń ret sharlap.

Óleńderi Farızanyń jan tebirenter,
Keıbireýi, bult sekildi kúńirenter.
Aspanymda asyl beıneń tur kúlimdep,
Sińlisine baqyt tilep ketetindeı.

Apa, apa, keıde men bir kúıge enem,
Bir kúıge enem, erekshe túsimde men.
Ózińmenen tildesip otyrǵanym,
Keter emes kóz aldymnan, kóńilimnen.

Qazaq eli jamyldy qara kıim,
Kim túsiner qazaqtyń jaıyn - kúıin.
Farızany ardaqtap, maqtaǵanmen,
Bilemiz ǵoı, kelmeıtinin qaıtyp keıin.

Ajal degen atqan oq, barma amalyń,
Allanyń kim buza alar bul qamalyn?!
Esimizde, qańtardyń jıyrma úshi,
Sol kúni máńgi ómirge attanǵanyń.

Aıaýly analarǵa!
Sizderdi men, jyrǵa qosam, án qylyp,
Sizder barda júremiz ár kez nyq turyp.
Árqashanda aıalaıyq, dostarym,
Aq sút bergen anamyzdy máńgilik!

Asyl emes sizderden gaýhar, jaqut,
Syıladyńdar bizderge Kúndi jaryq.
Sizderge arnap, jyr jazdym, sol úshinde,
Qýanady júregim taýyp baqyt

El tiregi, analar, azaımasyn,
Egemendi eldigimnen baq taımasyn.
Elge kerek, erge kerek, adal jandar,
Analar eshqashan da qartaımasyn.

Ár sábıdiń júregine jylý sepken,
Meıirimdi kózderinen nuryn tókken.
Jymıǵanda eljireter et – júrekti,
Analar kóńilderiń ystyq netken.

Terbetse, bir qolymen, bar álemdi,
Terbetken, bir qolymen, sábılerdi.
Urpaqtaryń eshqashan da jerde qalmas,
Uǵyp ósse, seniń bergen tárbıeńdi.

Ana degen – asyl sóz álemdegi,
Analarsyz myna álem, álem be edi?!
Tirshilik ataýlyny jalǵastyrǵan,
Ana esimi ne degen ádemi edi!

Maqtanamyz sizderge, aıtyp alǵys,
Sizderge biz ómir boıy qaryzdarmyz.
Demeý bolar qýanysh ta, qaıǵy da da,
Dúnıede analar ǵoı myńnan jalǵyz.

Ómir mándi bolmas edi analarsyz,
Tilekterdi shyn júrekpen aqtaramyz.
Aq sútińdi aqtaý menen ardaqtaýdy,
Qylǵan eken Allamyz úlken paryz!

Óner degen

Óner degen tamasha ǵoı, ańsaǵanda,
Basady ol demińdi sharshaǵanda.
Qasıettiń kıelisi - óner degen,
Syılaıdy ol rahatyn, barsha janǵa.

Ónerdiń túr – túri bar, bul ǵalamda,
Án salady ánshiler, qyr - dalada.
Bıshiler myń buralyp bılegende
Tebirener silkinip, jer - ana da.

Ónerimniń jalǵasy – óleńderim,
Óleń barda bıikten kórinemin.
Árbir jaqqa sharlatyp, oı – sanamdy,
Qazaqtyń aqynyndaı kúıge enemin!

Qanshama adam tanylǵan ónermenen,
Ónerdiń arqasynda, shalqyp júrgen.
Deneńdi shymyrlatyp, tolqytatyn,
Máńgilik basymdy ıem, ónerge men.