InfoHub Logo

Petropavlda eki eks-sot tóraǵasynyń isi boıynsha apelásıalyq sot otyrysy ótti. Bireýiniń jazasy ózgerissiz qaldyrylsa, ekinshisiniń merzimi qysqartyldy.

Bul týraly Infohub.kz aqparat agenttigi habarlaıdy.

Eki sýdıanyń isi

Bul is aımaqta qoǵamnyń qyzý talqylaýyna ıe bolǵan edi. Sotta eki birdeı sot tóraǵasy otyrdy. 46 jastaǵy Bekbol Baımahanov 2022 jyldan 2024 jylǵa deıin SQO mamandandyrylǵan aýdanaralyq ekonomıkalyq sotynyń tóraǵasy qyzmetin atqarǵan. Ol 2024 jyldyń jeltoqsanynda para alǵany úshin ustalǵan bolatyn.

Al 41 jastaǵy Erlan Ibraev Petropavl qalasy №2 sotynyń tóraǵasy qyzmetin 2021 jyldan 2025 jyldyń qańtaryna deıin atqarǵan. Ony ótken jyldyń qańtarynda qamaýǵa alǵan.

Qylmystyq is boıynsha aıyptar

Olarmen birge Almatydan kelgen zańger Artem Ivanov jáne Soltústik Qazaqstanda jol qurylysymen jáne saýdamen aınalysqan eki kásipker Pogosán men Melkonán da sotta otyrdy. Sýdıalar paraqorlyq, ıaǵnı ózderi qaramaǵan jáne nátıjesine yqpal ete almaǵan ister boıynsha sheshim shyǵarǵany úshin syıaqy aldy dep aıyptaldy.

Birinshi epızod: Baımahanov pen Ivanov

İstiń birinshi bóliminde sýdıa Baımahanov týraly aıtylady. Obvınenıe boıynsha, ekonomıkalyq sotqa kolektorlyq agenttik talap-aryzben júgingen. Bul agenttik daýly jer ýchaskeleri boıynsha kóp jyldyq sot talastaryn júrgizip kelgen. Kolektorlyq agenttiktiń múddesin zańger Ivanov qorǵaǵan.

Baımahanov bul is týraly bilgen soń, isti qarap jatqan sýdıa Omarovqa zańger Ivanovpen kezdesý uıymdastyrýdy suraǵan. Kezdesýde Ivanov Baımahanovqa 20 myń dollar (9,5 mıllıon teńgeden astam) para usynǵan. Keıinnen sýdıa men zańger syıaqy somasyn 50 myń dollarǵa deıin (24 mıllıon teńgeden astam) kóbeıtýge kelisken: 20 myńy – birinshi ınstansıa sotynyń sheshimi úshin, 30 myńy – apelásıalyq ınstansıa sheshimi úshin.

Bul arada sýdıa Omarov basshysynyń zańsyz mámilesi týraly bilip, Ulttyq qaýipsizdik komıtetine (UQK) jazbasha ótinishpen júgingen. Sodan keıin Baımahanovqa qatysty birqatar tergeý áreketteri bastaldy.

İs materıaldary boıynsha, 2024 jyldyń 18 jeltoqsanynda zańger Ivanov sýdıa Omarov arqyly Baımahanovqa paranyń bir bóligin (15 myń dollar) bergen. Bul aqsha sýdıa ustalǵannan keıin UQK qyzmetkerlerimen onyń qyzmettik kabınetinen tabylyp, tárkilengen.

Ekinshi epızod: Jol qurylys kompanıasy

Budan bólek, aıyptaý qorytyndysy boıynsha, Baımahanov óziniń áriptesi jáne dosy, Petropavl qalasy №2 sotynyń tóraǵasy Erlan Ibraevpen birge basqa da aýyr sybaılas jemqorlyq buzýshylyqtar jasaǵan.

Ekinshi epızodta Gevorg Pogosánnyń jol qurylys kompanıasy týraly aıtylady. Jol jóndeýdegi kemshilikterge baılanysty merdigerge qatysty aýdandyq qurylys bólimi mamandandyrylǵan aýdanaralyq ekonomıkalyq sotqa talap-aryz túsirip, kompanıany memlekettik satyp alýlardyń adal emes qatysýshysy dep tanýdy talap etken.

Aıyptaýda aıtylǵandaı, jolshynyń bedeline qatysty alańdaýshylyǵy negizsiz bolǵan: anyqtalǵan aqaýlar joıylǵan jáne sot kásipkerdiń paıdasyna sheshim shyǵarýy tıis edi. Alaıda, Pogosán senimdi bolý úshin tanys bolǵan Petropavl qalasy №2 sotynyń tóraǵasy Ibraevten kómek suraǵan, al ol óz kezeginde Baımahanovqa júgingen. Sýdıa Baımahanov ekeýine 2,5 mıllıon teńgege «máseleni sheshýge» kelisken. Aıyptaý aktisinde aqshany kásipker Ibraevke úıiniń kireberisinde bergeni kórsetilgen. Ol somany áıelimen birge sanap, keıin Baımahanovqa bergen.

Úshinshi epızod: Bankrottyq týraly is

Úshinshi epızodta kásipker Gamlet Melkonán týraly aıtylady. Aıyptaý qorytyndysy boıynsha, ol kredıtorlarǵa qaryz aqshasyn óteý úshin tóraǵalar Ibraev pen Baımahanovqa bankrot dep taný jáne qaryzdy óshirý týraly ótinishpen júgingen. Bastapqyda syıaqy somasy 10 myń dollar (shamamen 5 mıllıon teńge) bolǵanymen, keıin ekeýine 2 mıllıon teńgege deıin tómendetilgen.

SQO mamandandyrylǵan ekonomıkalyq sotynyń tóraǵasy Baımahanov bul bankrottyq isin erekshe baqylaýǵa alǵan, biraq basqa sýdıanyń jumysyna aralasýǵa jáne is boıynsha sheshimge yqpal etýge quqyǵy bolmaǵan. Kásipkerdiń JK bankrot dep tanylǵan. Keıin ol qaryzdy tanysynan alyp, aqshany kafe dárethanasynda sýdıa Ibraevke bergen. Ol 1 mıllıon teńgeni Baımahanovqa bergen. Bul aqsha da keıin SQO mamandandyrylǵan ekonomıkalyq sotynyń eks-tóraǵasynyń qyzmettik kabınetinen tárkilengen.

Apelásıalyq ınstansıada Melkonán JK-ni bankrot dep taný týraly sot sheshimi bankrottyq úshin negizderdiń joqtyǵyna baılanysty kúshin joıǵan.

Alǵashqy sot úkimi

Sýdıalar Baımahanov pen Ibraev asa iri kólemde, qyzmet babyn paıdalana otyryp, alaıaqtyq jasady dep aıyptaldy. İstiń basqa da qatysýshylary iri kólemde para berdi dep aıyptaldy.

Sot talqylaýynda prokýror Soltústik Qazaqstan oblysy mamandandyrylǵan aýdanaralyq ekonomıkalyq sotynyń eks-tóraǵasy Bekbol Baımahanovqa 12 jyl, Petropavl qalasy №2 sotynyń eks-tóraǵasy Erlan Ibraevke – jeti jyl bas bostandyǵynan aıyrýdy surady. Zańger Artem Ivanovqa, kásipkerler Gevorg Pogosán men Gamlet Melkonánǵa da alty jyldan bas bostandyǵynan aıyrýdy surady. Barlyq sottalýshylar ortasha qaýipsizdik mekemesinde jazasyn óteıdi.

Sottalýshylar úkimmen kelispeı, Soltústik Qazaqstan oblystyq sotynyń qylmystyq ister jónindegi alqasyna shaǵym túsirdi.

4 naýryzda Petropavl qalalyq sotynyń sýdıasy Ásem Jańalına úkim shyǵardy.

«Baımahanov kináli dep tanylyp, oǵan memleket kirisine 1 mıllıon 284 myń teńge tárkilene otyryp, memlekettik qyzmette qyzmet atqarý quqyǵynan ómir boıy aıyryla otyryp, segiz jyl bas bostandyǵynan aıyrý jazasy taǵaıyndalsyn», - dep oqydy Ásem Jańalına.

Sýdıa Ibraevke memleket kirisine 2 mıllıon 250 myń teńge tárkilene otyryp, memlekettik qyzmette qyzmet atqarý quqyǵynan ómir boıy aıyryla otyryp, alty jyl bas bostandyǵynan aıyrý jazasy taǵaıyndaldy. Zańger Ivanovqa alty jyl, Melkonánǵa – 4 jyl, Pogosánǵa 3 jyl 6 aı bas bostandyǵynan aıyrý jazasy taǵaıyndaldy. Barlyq sottalýshylar ortasha qaýipsizdik mekemesinde jazasyn óteıdi.

Apelásıalyq sheshim

Sottalǵandar úkimmen kelispeı, Soltústik Qazaqstan oblystyq sotynyń qylmystyq ister jónindegi alqasyna shaǵymdandy. Sýdıa Sergeı Vıktorenko basqarǵan sot alqasy Ibraev, Ivanov, Melkonán jáne Pogosánǵa qatysty birinshi ınstansıa sotynyń úkimin ózgertpedi. Al Baımahanovqa qatysty úkim ózgertildi.

Alqa Baımahanovtyń birinshi epızodtaǵy áreketterin asa iri kólemde emes, jaı ǵana iri kólemde alaıaqtyq jasaýǵa árekettený retinde qaıta jikteý qajettigi týraly dáleldermen kelisti.

Alqa Baımahanovtyń eki saýsaǵyn kórsetip, 20 myń dollar somasyn aıtqan sóılesýiniń beınejazbasyn zerttedi.

«Biz mólsherdi qaıta eseptedik: sol kezdegi 20 myń dollar – bul asa iri kólem emes, iri kólem, 2800 AEK, al iri kólem úshin 4000 AEK bolýy kerek. Sondyqtan jazany ózgerte otyryp, qaıta jiktedik», - dep túsindirdi tóraǵalyq etýshi sýdıa Sergeı Vıktorenko.

Nátıjesinde alqa Baımahanovtyń merzimin bir jylǵa qysqartty. Endi eks-sot tóraǵasy kolonıada segiz jyl emes, jeti jyl otyrady. Apelásıalyq qaýly zańdy kúshine endi.