Tengrinews.kz / Týrar Kazangapov
Olga Rypakova jeńil atletıka federasıasynyń prezıdenttiginen ketti
Olımpıada chempıony Olga Rypakova Qazaqstannyń jeńil atletıka federasıasynyń prezıdenttiginen ketti. Onyń ornyna burynǵy energetıka vıse-mınıstri jáne qazirgi "QazMunaıGaz" basqarma tóraǵasy Asqat Hasenov taǵaıyndaldy.
Bul týraly Infohub.kz aqparat agenttigi habarlaıdy.
Asqat Hasenov kim?
Asqat Hasenov 2024 jyldyń 29 mamyrynda "QazMunaıGaz" ulttyq kompanıasynyń basqarma tóraǵasy bolyp taǵaıyndalǵan. Ol Qanysh Sátbaev atyndaǵy Qazaq ulttyq tehnıkalyq ýnıversıtetin "munaı jáne gaz uńǵymalaryn burǵylaý" mamandyǵy boıynsha támamdaǵan. Sondaı-aq, Halyqaralyq bıznes ýnıversıtetinde "menedjment" mamandyǵyn oqyǵan.
Eńbek jolyn 2005 jyly "Turan Petroleým" AQ-da munaı jáne gaz óndirý sehynyń 3-razrádty operatory retinde bastaǵan. 2006-2010 jyldary "Negizgi dıspecherlik basqarma" AQ-da tehnıkalyq retteý basqarmasynyń jetekshi mamanynan bastap vıse-prezıdentke deıingi qyzmetterdi atqarǵan.
2022 jyldyń qańtarynan 2024 jyldyń mamyryna deıin energetıka vıse-mınıstri qyzmetin atqarǵan. Ol "Qurmet" ordenimen marapattalǵan.
Olga Rypakova ne deıdi?
Olga Rypakova federasıa basshylyǵynan ketkenin rastady. "Men alysqa ketpeımin, federasıada qalamyn", - dedi ol. Tolyǵyraq aqparat jaqyn arada federasıanyń resmı derekkózderinde jarıalanatyn bolady.
-
2025 jyly Qazaqstannyń ulttyq valútasy teńge rúblmen baılanysyn úzdi. Bul ózgeris qarjy naryǵyndaǵy jańa modeldiń bastamasy boldy.
-
Gabıdýlla Ábdirahymov «Samuryq-Qazyna Konstrakshn» kompanıasynda jańa qyzmetke kiristi. Bul taǵaıyndaý onyń burynǵy daýly áreketterimen tanymal bolǵanyn eske túsiredi.
