InfoHub Logo

Mılanda ótip jatqan qysqy Olımpıada oıyndarynda mánerlep syrǵanaý jarysynyń tóreshisi, Qazaqstannan barǵan Nadejda Pareskaıanyń ádildigi kúmán týdyrýda. Áleýmettik jeli qoldanýshylary men sport jankúıerleri onyń reseılik sportshy Adelıa Petrosánǵa joǵary baǵa qoıyp, al qazaqstandyq sportshylarǵa qatysty tym qatal bolǵanyn aıtyp, narazylyq bildirýde.

Bul týraly Infohub.kz aqparat agenttigi habarlaıdy.

Tóreshiniń sheshimine narazylyq

Jelide taraǵan aqparattarǵa sáıkes, Pareskaıa reseılik mánerlep syrǵanaýshy Adelıa Petrosánnyń óner kórsetýine eń joǵary baǵalardy qoıǵan. Alaıda, otandasymyz Sofá Samodelkınaǵa berilgen baǵalar tym tómen bolǵandyqtan, ol oıyndy 10-shy orynmen aıaqtaýǵa májbúr boldy.

Munymen qosa, erler arasyndaǵy jarysta da qazaqstandyq sýdıanyń ádiletsizdigi baıqalǵan. Mıhaıl Shaıdorovtyń qysqa baǵdarlamasyndaǵy óner kórsetýine 7-oryn bergeni, bul onyń erkin baǵdarlamada táýekelge baryp, bes birdeı sekiris jasaýyna sebep bolǵany aıtylýda. Degenmen, Shaıdorov osy qıyndyqtarǵa qaramastan altyn júldege ıe bolyp, Olımpıada chempıony atandy.

Nege Elızabet Tursynbaeva tóreshi bolmady?

Jankúıerlerdiń taǵy bir alańdaýshylyǵy – álem chempıonatynyń kúmis júldegeri, Olımpıada oıyndarynyń tájirıbeli sportshysy Elızabet Tursynbaevanyń nege tóreshi retinde jiberilmegeni. Jeli qoldanýshylary Qazaqstan Ulttyq Olımpıada komıtetinen bul máselege qatysty túsinikteme berýdi talap etýde.

Esterińizge sala keteıik, Qazaqstan 2026 jylǵy qysqy Olımpıada oıyndarynda jalpykomandalyq esepte 19-shy oryndy ıelendi.