InfoHub Logo

Olımpıada esepteri (2 synyp)

Logıkalyq matematıka – dástúrden tys jáne ártúrli qyzyqty tapsyrmalardy oryndaý úshin qajet paıymdaý jasaý, oı qorytý biligin qalyptastyrý boıynsha jasalǵan tańdaý kýrsy. Tapsyrmalardyń mazmuny oqýshylardyń oqý erekshelikteri men múmkindikterin eskere otyryp josparly túrde oqýshylarǵa matematıkany oqytý ádistemesin damytýdaǵy qazirgi negizgi maqsatty eskere otyryp qurylǵan jattyǵýlar júıesine kiredi. Logıkalyq matematıka qazirgi kýrstarynyń keńistiktik, logıkalyq jáne abstraktili oılaý qabiletin damytýǵa baǵyttalǵan.

Maqsaty: Oqýshylardyń oı - órisin keńeıtý, logıkalyq oılaýyn damytý.
Esepteý daǵdylaryn jetildirý;
Matematıkalyq tilde sóıleýge, uqyptylyqqa baýlý.

Mindetteri: Tanymdyq qyzyǵýshylyǵyna jaǵdaı jasaı otyryp, izdenimpazdyqqa baýlý.
Logıkalyq tapsyrmalar arqyly jeke tulǵanyń ózindik oılaý qabiletin damytý jáne qalyptastyrý.
Syzba, keste, sýret boıynsha esep qurastyra otyryp oqýshylardyń iskerlikterin, tapqyrlyqtaryn shyńdaý.
Esepteý tásilderin, arıfmetıkalyq oıyndardy, aýyzsha oryndalatyn tapsyrmalardy paıdalaný arqyly bilimdilik, keńistik uǵymdy damytý.
Geometrıalyq fıgýralardy bir – birinen ajyrata bilýge, tanı bilýge úıretý.
Matematıkalyq basqatyrǵyshtar, rebýs, sózjumbaqtardy sheshe otyryp, oqýshylardyń ushqyr qıaldaryn, sózdik qorlaryn damytý.
Kóńildi jattyǵýlardy, logıkalyq amaldardy qalyptastyrýǵa, anyqtamalardy júıeleýge arnalǵan tapsyrmalardy durys jáne shapshań oryndaýǵa úıretý.

Logıkalyq sıpattaǵy tapsyrmalar oqýshylardyń bilimdi jete meńgerý men olardy ómir jaǵdaılarynda qoldana bilý qabiletterin anyqtaýǵa arnalǵan.

Anagramlar
Matematıkalyq fıgýralardy tabyńyzdar
Sh U B R Sh Ú Y

Logıkalyq esepter.
Eki adam shahmatty 2 saǵat oınady. Bir adam neshe saǵat oınaıdy?
Qos at jegilgen arba 40 shaqyrym júrdi. Bir at neshe shaqyrym júrdi?
4 jumyrtqa 4 mınýt pisse, bir jumyrtqa neshe mınýt pisedi?
2 kg maqta aýyr ma, 2kg temir aýyr ma
Almurt almadan aýyr, al alma shabdalydan aýyr.
Qaısysy aýyr almurt pa álde shabdaly ma?

Otbasynda tórt bala bar: qyzdar qansha bolsa, uldar da sonsha.
Otbasynda qyzdar qansha, uldar qansha?

Matematıkalyq jumbaqtar
Egiz týǵan qos júırik
Jarysqa shaýyp terleıdi.
Birin – biri kórmeıdi
Bir márege kelmeıdi.

Úlken, kishi sandar arasyna
Tańbalardy qoıǵan kezde
Alynady qandaı órnek
Bileıikshi ony bizde

Núkteden eki sáýleden
Qurylǵan aıtshy bul ne eken?

Logıkalyq labırınt
Matematıkalyq táýeldilikti tap.
9, 7, 10, 8, 11, 9, 12,...

Matematıkalyq táýeldilikti tap.
162 184 206
179? 193
1, 3,?, 7, 9

Matematıkalyq vıktorına
Muzaıdynda 6 bala syrǵanap júrdi. Olardyń ekeýi túski tamaq ishýge ketti, al tústen keıin olar muzaıdynǵa qaıtyp oraldy. Muzaıdynda qansha bala syrǵanap júr?

Áset Sábıtpen shahmat oınap 2 ret jeńdi, al Sábıt Ásetti 3 ret jeńdi. Taǵy bir oıynda olar tepe - teń tústi. Balalar neshe ret shahmat oınaǵan?

Arman taqta shokoladty ekige bóldi, sodan soń onyń bólingen bir bóligin taǵy da ekige bóldi. Sonda Áset shokoladty neshe bólikke bólgen?

Myna sandar qandaı tártippen ornalasqan?
1 2 3 4 5 6 7 8 9 9 8 7 6 5 4 3 2 1
Árbir eki qorapshada 10 konfetten salynǵan. Mádına birinshi qoraptan birneshe konfet alyp jedi. Muny kórgen Darıǵa ekinshi qoraptan birinshi qorapta qansha qalsa, sonsha konfetti jep qoıdy. Endi eki qoraptaǵy barlyq qalǵan konfetterdiń sany qansha bolmaq?

4 lıtrlik jáne 6 lıtrlik ydystarmen 2 lıtr sýdy krannan qalaı aǵyzyp alýǵa bolady?

Ekinshi synyp oqýshylary eki - ekiden juptasyp turdy. Sáken men Dáýren jetinshi jup boldy. Olar aldynan sanaǵanda jetinshi boldy, al artynan sanaǵanda tórtinshi boldy. Synypta qansha oqýshy bar?

Velosıped dóńgeleginde 8 shabaq bar. Barlyq shabaqtardyń arasynda neshe aralyq bolady?

Otbasynda 2 bala bar. Márlen Ardaqtyń aǵasy, al Ardaq Márlenge aǵa emes. Sonda Suńǵat kim?

Órnektiń mánin tap.
Bir tańbaly sandar nesheý? Eki tańbalar she?
2. 10, 11, 238, 5051, 7002 sandarynyń qosyndysyn tap.
3. Qosyndysy 9 - ǵa teń bolatyn barlyq esepterdi jaz.
4. Alǵashqy on natýral sandy jaz jáne olardyń ishinen barlyq jup sandardy ata.
5. Eń kishi bir tańbaly san men eń úlken bir tańbaly sandy ata.
6. Eń kishi tórt tańbaly sannan birlikti alǵanda úsh tańbaly san shyǵýy kerek. Ol qandaı san?
7. Qandaı eki tańbaly sanǵa birlikti qosqanda úsh tańbaly san shyǵady?
8. Aldynda san bolmaıtyn natýral sandy jaz.
9. Myna órnekterdi jaz jáne aıyrmashylyqtaryn salystyr:
88 – 36, 88 – 31, 88 – 35.
10. Oryndaryn aýystyrsa da ózgermeıtin birneshe sandar jaz.

Órnekti jaz jáne eseptep shyǵar
30 ben 13 - tiń aıyrmasynan 8 - di azaıt.
2. 7 men 6 - nyń qosyndysyna 9 - dy qos.
3. 8 ben 4 - tiń qosyndysy 11 men 6 - nyń aıyrmasynan qanshaǵa kóp?
4. 33 - ke 16 men 9 - dyń aıyrmasyn qos.
5. 16 men 8 - diń aıyrmasyn 7 - ge arttyr.
6. 21 men 29 - dyń qosyndysyn 22 men 12 - niń aıyrmasynan kemit.

1. Berilgen sandardy kemý retimen jazyp kórset: 19, 13, 15, 20, 11, 18, 12, 14, 17, 16
2. Aýlada 17 qaz jáne sonsha úırek júr. Aýlada barlyǵy neshe qus júr?
3. Berilgen sandardyń kórshilerin jaz:...., 14,......, 21,......, 31,...
4. Birinshi qosylǵyshy 11, ekinshi qosylǵyshy 12, úshinshi qosylǵyshy 13. Qosyndynyń mánin tap.
5. Uzyndyǵy 6sm jáne odan 4sm qysqa kesindiler syz.
6. Tórt qabyrǵasynyń uzyndyqtary birdeı fıgýra syz. Ol qalaı atalady?
7. Qarbyzdyń salmaǵy 8kg. Osyndaı úsh qaýyn neshe kg bolady?
8. Belgisiz qosylǵyshty tap: 40+...=42
9. Aıyrmanyń máni 12 - ge teń 6 órnek jaz.
10. Órnektiń mánin tap jáne qosylǵyshtardyń oryndaryn aýystyr: 19+8
11. Ákesi 36 jasta, al balasy odan 30 jas kishi. Balasy neshe jasta?
12. Tıisti sandy qoı: 13 - 5 12 -... 20 - 8 21 -...
13. 19+1 - 20+...+10 - 5=14
14. 7 taıaqsha arqyly 3 úshburyshty jáne 2 sharshyny qalaı qurastyrýǵa bolady?

“Aqtoǵaı aýdanynyń jalpy bilim beretin
Mútkenov atyndaǵy orta mektebi” KMM
Jýmatova Álpesh Erengalıevna
Bastaýysh synyp muǵalimi
Olımpıada esepteri 2 synyp júkteý