InfoHub Logo

Adam ómiriniń qanshalyqty qymbat ekenin, árbir sáttiń qadirin bilý kerektigin eske salatyn oqıǵa jarıalandy. Tanymal qazaqstandyq bloger Dáýlet Beısenbektiń jubaıy Zamıra Beısenbek jol apatynan qaıtys bolǵan otaǵasy týraly júrekke tıer jazba qaldyrdy.

Bul týraly Infohub.kz aqparat agenttigi habarlaıdy.

Ómirdiń máni men ólimniń qapyda kelýi

Jas otbasy úshinshi sábıin kútip otyrǵanda, Dáýlet Beısenbek ómirden ozdy. Qazir Zamıra Beısenbek balalaryn jalǵyz tárbıelep otyr. Ol óziniń jazbasynda ómir men ólimniń arasy nebári bir tynys ekenin atap ótti.

«Adam ómirindegi eń qorqynyshty nárse ne ekenin bilesiz be? Qarapaıym kúnniń aıaqtalmaı qalýy… Ómir men ólimniń arasy — bir ǵana tynys. Meniń ómirimdegi eń qıyn sát — 2022 jyldyń 27 naýryzy, saǵat 11:38. Sol kúnnen beri ár tań saıyn ózime bir suraq qoıamyn: “Eger búgin sońǵy kúnim bolsa she? Kimdi qushaqtamadym? Ne aıtyp úlgermedim? Qandaı isti keıinge qaldyrdym?” Óıtkeni ólim eskertpeıdi. Ol jaı ǵana qarapaıym kúnniń, qarapaıym josparlardyń ortasynda keledi», — dep jazdy Zamıra Beısenbek.

Ár sátti baǵalaýǵa shaqyrdy

Marqumnyń jubaıy ómirdi keıinge qaldyrý úshin emes, baǵalaý úshin berilgenin aıtyp, oqyrmandardy árbir kúndi ókinishpen emes, shúkirshilikpen ótkizýge shaqyrdy.

«Ómir — keıinge qaldyrý úshin emes, baǵalaý úshin berilgen. Búgin bireýdiń kóńilin qaldyrmaýǵa, bireýdi qýantýǵa, jaqsy kóretinińdi aıtýǵa áli de ýaqyt bar. Bir sáttik ómirdi ókinishpen emes, shúkirshilikpen ótkizeıik», — dep túıindedi Zamıra Beısenbek.