InfoHub Logo

Taqyryby: «Ónerliniń qoly - altyn, óleńshiniń sózi - altyn»
Maqsaty: Ata - anamen balabaqsha arasyndaǵy qarym - qatynasty nyǵaıtý. Shyǵarmashylyq qıalyn damyta otyryp, iskerlikke, sheberlikke baýlý.
Kórnekiligi: óner týraly naqyl sózder, sharmen bezendirý, ınteraktıvti taqta.
Júrgizýshi: Armysyzdar qurmetti apaılar búgingi «Ónerliniń qoly - altyn, óleńshiniń sózi - altyn» atty ata - analar saıysyna qosh keldińizder! Saıysymyzdy bastaýǵa ruqsat etińizder.
Qazylar ornyqtyrar ádildikti.
Kimderdiń jaýaptary kámil shyqty,
Óner men sheberliktiń saıysynda.
Jeńiske jeter deımiz naǵyz myqty,- dep búgingi dodany saralaıtyn ádilqazylar alqasymen tanystyryp óteıin.

Júrgizýshi: Endigi kezekte saıyskerlerimizben tanys bolaıyq.
1. «Sheberler» toby
2. « Áshekeıler» toby

Júrgizýshi: Sonymen bizdiń baǵdarlamyzda:
1.«Sálem sózdiń - anasy» (topty tanystyrý)
2.«Oıý oıǵannyń oıy ushqyr» (qaǵazdan oıý oıyp, atyn aıtý)
3.«Ónerli órge júzer» (óz ónerlerin kórsetý)
4.«Oıly bolsań, ozyp kór» (maqal – mátelderdi tolyqtyrý)
5.«Bul qandaı án» (mýzykanyń atyn jáne jalǵasyn tabý)
6.«As - adamnyń arqaýy» (analar salat jasap, qorǵaıdy)
7.«Qol óneri - oı óneri» (ózderiniń qoldarymen jasalǵan buıymdardy kórsetý)

Júrgizýshi: «Bolar eldiń balasyn sánimen emes, sáleminen tanısyń»- demekshi, alǵashqy saıysymyz «Sálem sózdiń - anasy».
Óner qýyp saıyskerler óter deımin,
Bir basyna óner bilim jeter deımin.
Báske túsken saıyskerler kezektesip,
Tanystyryp ózderin ótse deımin.
Júrgizýshi: Qazylar alqasy upaı sanyn bildirseńizder.

Júrgizýshi: Endigi «Oıý oıǵannyń - oıy ushqyr» saıysy.
Oıý - órnekke qarasań,
Óńkeı múıiz tigilgen.
Qaısysyn qalasań,
Qıyp al syzǵan izimnen.
Qıý ońaı demeńder,
Oǵan da óner oı kerek.
Bos maqtanyp júrmeńder,
Qıýǵa pysyq qol kerek.

Júrgizýshi: Qazylar alqasy upaı sanyn bildirseńizder.
Júrgizýshi: Bizdiń halyq ónerpazǵa baı halyq,
Ánshi dep te bıshi dep te aıtalyq.
Talaptaryn taýdaı eken búgingi,
Ónerlerińdi kórsetseńder qaıtedi - deı otyryp bizdiń saıyskerlerimizdi óz ónerlerimen ortaǵa shaqyramyz.
Júrgizýshi: Ádilqazylar alqasynan saıyskerlerdiń óz ónerlerine qoıǵan baǵasyn tyńdaıyq.

Júrgizýshi: Kelesi kezekte «Oıly bolsań, ozyp kór» maqal - mátelderdi tolyqtyrý saıysyna beremiz.
1. Jigitke jetpis ónerde az.
2. Ónerdi úıren de, de jıren.
3. Erinbegen etikshi bolady.
4. Sheberdiń saýsaǵy - altyn.
5. Ónerli órge júzer.
6. Óz úıinde oıý oımaǵan,
Kisi úıinde syzý syzbas.
7. Jeti ret ólshep, bir ret kes.
8. Adamdy adam etken - eńbek.
9. Qol óneri kilemde,
Sóz óneri óleńde.
10. Ár nársege asyq bolǵansha,
Bir nársege mashyq bol.
Júrgizýshi: Endigi kezekte «Bul qandaı án» atty mýzykalyq áýendi saıys.
Aınalaıyn, qaraǵym,
Bárekeldi, jaradyń.
Endi bizge elińniń,
Aıtyp bershi bir ánin.
Júrgizýshi: Ádilqazylar ádil baǵasyn berseńizder.

Júrgizýshi: Kelesi «As - adamnyń arqaýy» saıysymyzda analar salat jasap, attaryn aıtady.
Júrgizýshi: Ádilqazylar upaı sanyn bildirseńizder.
Júrgizýshi: Qorytyndy saıys «Qol óneri - oı óneri» bul saıysta daıyn qol óner kórsetiledi.
Júrgizýshi: Demeńiz biz ónerdi aıap qaldy,
Ýaqyt biraz jerge taıap qaldy.
Kóriskenshe hosh saý bolyp turyńyzdar,
Saıysymyz osymen aıaqtaldy.
Júrgizýshi: Al, qazir qatysýshy toptardyń jalpy upaı sanyn eseptep, jarysta jeńgen jeńimpaz topty marapattaý úshin ádil qazylarǵa sóz bereıik.

Júrgizýshi: Ádil qazy sheshedi,
İstiń aq pen qarasań.
Búgingi mine saıystyń,
Ádil berer baǵasyn.
Jeńimpaz topqa marapattaý rásimi jasalady.
Júrgizýshi: Saıys osymen óz máresine jetti, kelip qatysyp tamashalaǵandaryńyzǵa rahmet.