Júr, dosym, aıańdaıyq baqqa qaraı,
Kún kózin tuman taǵy qaptaǵany-aı!
Aıaz Atań táttisin úlestirip,
Ashysyn ekeýmizge saqtaǵany-aı!
Turǵyzbastaı tumshalap qaralyqty,
Jerdiń betin aq ulpa qar alypty.
Keshe bizder jylatyp tastap ketken,
Oınatyp júr sábıler balalyqty.
Top shymshyq tal basyna úımeledi,
(Kóringen saýysqannan ımenedi.)
Bir orynda bir bıdi myń qaıtalap,
Sekektep olar qashan bılegeli...
Aıańdaıyq aýylymyz jaqqa qaraı
Qaıyń da aq, terek te aq, aq qaraǵaı,
Paı, paı, shirkin! Demin-aı jigit-qystyń!
Qarǵyma-aý, kúıdire me-aý, ot pa, qalaı?..

---