InfoHub Logo

Uldardyń úlkeni,
Bir týǵan aǵam bar.
Qyzdardyń úlkeni,
Bir týǵan ápkem bar.

Uldardyń kishisi,
Bir týǵan inim bar.
Qyzdardyń kishisi,
Bir týǵan qaryndas,
Ápkege — sińli bar.

***

Ata-ana asqar taý aldymdaǵy
Árqashan asqaqtaısyń aldymda áli
Óziń bergen ónege tárbıeńmen
Baqyttymyz januıa baýyryndaǵy.

***

Jyljı bershi kezim emes jasqanar
Bógeı almas bilim atty tas qamal
Otannyń aıaýlysy bolarsyń
Otan degen otbasynan bastalar.

***

Atamnan bastalar,
Ájemnen qostalar
Otbasym mynylar:
Eń jaqyn adamdar —
Ákem men anam bar,
Bir týǵan aǵam bar,
Bir týǵan apam bar…
Bárin jaqsy kóremin,
Erkeleımin, eremin!

***

Tıtteı bóbek kezimnen
Áldılegen emizgen,
Erkeletip kúlgizgen,
Alǵash «apa» degizgen.

***

Kishkentaıy — men úshin
Taǵat, baıyz tappaıtyn,
Ne jemesin, ne ishsin,
Mensiz taǵam tatpaıtyn.
Shomyldyryp keshkisin,
Men jatpasam, jatpaıtyn —
Anam meniń qandaı-dy!

Erte ketip jumysqa,
Úıge keshtep qaıtatyn,
Bolǵan kúndiz qurylysta
Qyzyqtardy aıtatyn.

Jaz kelisimen, kún qyzyp,
Mashınasyn júrgizip,
Barlyq kórshi balany
Maǵan qosa mingizip,
Aralaıtyn dalany,
Qydyrtatyn qalany —
Ákem meniń qandaı-dy!

Qaraǵanda basqaǵa,
Qyzyqty kóp bastaıtyn.
Kúnde ertemen baqshaǵa
Meni aparyp tastaıtyn.
Talaı-talaı isterde
Úlgi bolar bizderge
Aǵam meniń qandaı-dy!

Tórt jas úlken ózimnen,
Oqı, jaza biletin.
Meni tıtteı kezimnen
Oınatýdy súıetin.
Kitabynan kil qyzyq
Áńgime oqyp beretin —
Ápkem meniń qandaı-dy!

***

Sizsiz áke — eń aqyldy, eń syrshyl
Sizsiz áke — eń jaqynym, eń shynshyl
Shýaq shashqan qashanda asyl júregiń
Janymdasyń qamqorymsyń bilemin
Qabyl alǵyn bala júrek tilegin.

***

Otbasym meniń — baqytym
Otbasym meniń — shattyǵym
Otbasym barda eshqashan
Úzilmes meniń úmitim.

***

Otbasy — jyly uıamyz,
Tiregi — ata-anamyz.
Ýyz sút emip osynda,
Ýyljyp bizder ósemiz.
Osynda úlgi alamyz,
Osynda adam bolamyz.
Erkelep, oınap, eliktep,
Osynda ósip tolamyz
Tárbıe mektep — otbasy,
Aqyldy baýlyp, til ushtar.
Órimdeı tezge tartylǵan
Ádepti beıne durystar.
Ata-ana bolsa órnekti,
Ul men qyz óser kórnekti.
Áýezov Muhań aıtqandaı:
Túzeıik besik-jórgekti.