InfoHub Logo

Taqyryby: Otty jyldar jańǵyryǵy

Maqsaty: Oqýshylarǵa Uly Otan soǵysynda erlik kórsetken batyrlardyń boıyndaǵy erjúrektik, otan súıgishtik, ultjandylyq qasıetterin dáripteý. Otanyn, elin qorǵaı bilýge tárbıeleý.
Ádisi: Mýzykalyq – ádebı qoıylym
Kórnekiligi: «Ár qashan kún sónbesin» taqyrybyna salǵan sýretter kórmesi, batyrlyq týraly naqyl sózder, batyrlar portreti, beıne fılm.

Kirispe: (taqtada naqyl sózder ilýli turady)
1. Otan úshin otqa tús - kúımeısiń.
2. Erlik – eldiń qasıeti,
Júrektilik – jigittiń qasıeti.
B. Momyshuly
3. Adal adam Otanyn súıedi. Adal, aq júrekke Otan anasyndaı. Otannyń degenin isteý – qýanysh, maqtanysh. Otanǵa degen mahabbatty bizde ólsheýge bolmaıdy.
B. Bulqyshev
Qyz bala: Ardager atalar!
Ul bala: Ardaqty ákeler!
Qyz bala: Abzal aǵalar!
Ul bala: Asyl analar!
Ekeýi qosylyp: Barshańyzdy! Barshańyzdy!
Qyz: 7 – mamyr – Otan qorǵaýshylar kúnimen…
Ul: 9 - mamyr – Uly Jeńistiń 60 jyldyq merekesimen shyn júrekten quttyqtaımyz!

Negizgi bólim:
1 - oqýshy:
Jeńis kúni
Oılap - oılap turdym kóp,
Saýal berdim bilgim kep:
- Qýanyshty mereke –
Jeńis kúni qaı kún?- dep.
Atamnan da suradym,
Ákemnen de suradym.
Aǵamnan da suradym,
Apamnan da suradym.
Tosty bári qulaǵyn:
- «Durys» -
desti, – «suraǵyń!»
Beıbit kúnniń bári de
Jeńis kúni, shyraǵym!
(Q. Jumaǵalıev)
Búgin bizdiń ortamyzda Uly Otan soǵysynyń ardagerleri … otyr (arda gerler sóz sóıleıdi.)

2 - oqýshy:
Aryltyp jaýdan jerimdi,
Tabanǵa janshyp ólimdi,
Jeńispen jelpip ómirdi,
Oraldy erler kóńildi,
Deseńder bul qaı kúni –
Bári qosylyp: Toǵyzynshy mamyr kúni!
(D. Ábilev)

3 - oqýshy:
Alaqaı – aı, Áıgili
Toǵyzynshy mamyr búgin.
Alǵash kúni shattyqtyń,
Sońǵy kúni qaıǵynyń.

4 - oqýshy:
Uly keshke sengen kún,
Fashıserdi jeńgen kún.
Qyrmyzy gúl, qyzyl gúl,
Qushaqtarǵa engen kún.