InfoHub Logo

Tanymal ánshi Nurjan Kermenbaev «QyzyqTimes» baǵdarlamasyna qonaq bolyp, óziniń shyǵarmashylyq jańalyqtarymen bólisti. Efırdi ánshi óziniń hıt áni «Senen basqa» týyndysymen bastap, kórermenderdiń ystyq yqylasyna ıe boldy.

Bul týraly Infohub.kz aqparat agenttigi habarlaıdy.

Jańa týyndylar men qupıa dýetter

Ánshi jýyrda tyńdarmandarǵa jańa ánderin usynatynyn málimdedi. Qazirgi tańda onnan astam án daıyndyq ústinde. Olardyń qatarynda ánshiniń kimmen birge oryndaıtyny áli qupıa bolyp otyrǵan dýetter de bar.

Sonymen qatar, Kermenbaev jańa mýzykanttarmen jáne kompozıtorlarmen jumys isteı bastaǵanyn aıtty. Bul onyń shyǵarmashylyq izdenisiniń jańa kezeńin bildiredi.

Perfeksıonızm jáne shyǵarmashylyq

Nurjan Kermenbaev shyǵarmashylyqqa degen jaýapkershiligin erekshe atap ótti. Buǵan deıin ózine unamaı qalǵan ánderi de bolǵanyn moıyndaǵan ánshi, bul jolǵy jumystardyń kóńilinen shyǵyp jatqanyn jetkizdi.

«Mende perfeksıonızm degen dúnıe bar ekenin otyzdan keıin bile bastadym. Ózime úńile bastap, ózimniń qandaı ekenimdi tanı bastaǵanda túsindim. Ár nárse óz ornynda turatyn bolsa, mıym tynyshtalady eken. Al kreatıv úshin, basqa da shyǵarmashylyq dúnıe úshin mıyń tynysh bolýy kerek», - deıdi ánshi.