InfoHub Logo

Uıymdastyrylǵan oqý is - áreketiniń tehnologıalyq kartasy
«Qarlyǵash» toby
Bilim berý salasy: «Shyǵarmashylyq»
Bólimderi: Japsyrý.
Taqyryby: «Oıý oıǵannyń oıy ushqyr»
Maqsaty: Balalardyń ulttyq oıý - órnek týraly bilimderin tereńdetip, halyqtyń turmys - salt dástúrine qyzyǵýshylyqtaryn oıatý, qabattap búktelgen qaǵazdan oıý - órnekterdi qıý arqyly beıneleý óneriniń jańa tásilderimen tanystyrý.

İs - áreket kezeńderi
Tárbıeshiniń is – áreketi

İ kezeń. Dáleldeý - oıatý
Shattyq sheńber:
Bir shańyraq astynda,
Tatý, tátti turamyz.
Birge ishemiz asty da,
Birge saıran quramyz.
Armysyńdar qonaqtar!
Qosh keldińder apaılar.
Aldaryńda balaqaı
Kórsetermiz sabaq - aı.
- Balalar, bizdiń Respýblıkamyz qalaı atalady?

II kezeń İzdený, uıymdastyrýshy

- Biz qaı ulttyń balasymyz?
- Iá, biz qazaqpyz, bizdiń óz rámizderimiz, tilimiz, salt - dástúrimiz bar.
- Balalar, endi munda qarańdarshy myna jerde biz nelerdi kórip turmyz?
- Al endi aıtyńdarshy bulardyń barlyǵy nemen áshekeılep bezendirilgen?
- Durys aıtasyńdar, balalar oıý - órnek kúndelikti biz paıdalanyp júrgen zattarda kóp kezdesedi. Olar urpaqtan - urpaqqa tarap, jalǵasyp keledi. Olardyń túrleri óte kóp. Mysaly: qoshqar múıiz, ıtquıryq, gúl, balta, juldyz, sheńber, ırek, aǵash.
- Bul oıý túrlerin úı múlikterinde, ulttyq kıimderde, zergerlik buıymdarda, ydys - aıaqtarda kezdestiremiz. Ár bir oıýdyń túpkirinde tereń maǵyna jatyr. Mysaly: Qoshqar múıiz molshylyqty meńzese, aǵash oıýy yntymaq – birlikti, ırek oıýy adamnyń ómir jolyn, sýdyń belgisin, sheńber oıý jaryq ómir joly degendi bildiredi.
- Balalar, jańa biz sendermen oıý - órnektiń qandaı buıymdarda kezdesetinin jáne onyń maǵynasyn aıtyp óttik.
- Endi maǵan kim oıý týraly taqpaq, maqal - mátelder aıtyp beredi?

Sergitý sáti:
- Al endi balalar ornymyzǵa otyryp, aldymen qaýipsizdik erejesin eske túsirip alaıyq.

- Men senderdi balalar tórt topqa bólemin.
- Birinshi top aldaryńda jatqan oıýdy qıyp, kıiz úıge jelimniń kómegimen jabystyramyz.
- Ekinshi top sandyqty, úshinshi top kókireksheni, tórtinshi top sáýkeleni ulttyq oıý - órnektermen áshekeılep bezendiremiz.
Jeke kómek kórsetý.