InfoHub Logo

Belgili prodúser Qydyráli Bolmanov jaqynda bolǵan oqıǵadan keıin áleýmettik jelide jazba jarıalap, jankúıerlerine alǵys aıtty. Ol aıaǵyna jaraqat alǵanyna qaramastan, konsertin toqtatpaǵanyn túsindirdi.

Bul týraly Infohub.kz aqparat agenttigi habarlaıdy.

Jankúıerlerge alǵys

Qydyráli Bolmanov barlyq qalada ótken konsertterine kelgen kórermenderge shyn júrekten alǵys bildirdi. Ol halyqtyń ystyq yqylasy men qoldaýyna erekshe rızashylyǵyn jetkizdi.

«Barlyq qalalarda ótken, zal tola kórermenderimiz, konsertterimizdi kóriktendirgen sizder ekenin ystyq yqylastaryńyzdan, úzbeı qol soqqandaryńyzdan júregimizben sezindik. Myń alǵys! Keshegi oqıǵanyń ózinde, qanshama tilekterińiz júrekke jetti. Tilekterińiz Alladan ózderińizge myńdaǵan ese bolyp qaıtsyn! Bizdi qalaı jaqsy kórseńiz, Jaratqan Alla sizderdi jaqsy kórsin!» – dep jazdy óner ıesi.

Jaraqatqa qaramastan, sahnada

Prodúser jaraqat alǵany týraly da aıtyp, nege konsertti toqtatpaǵanyn túsindirdi. Onyń aıtýynsha, aıaǵyna syzat túskenmen, bul jaǵdaı konserttiń ýaqytyn aýystyrýǵa sebep bola almaǵan.

«Keshegi vıdeony salǵan sebep – bireý-aq… Erteń aldaryńyzǵa syltyp basyp “krasavchık” bolyp shyqqanda, túsinbeı qalmasyn, erdiń basynan ne ótpeıdi, eń bastysy bas aman… Aıaǵyma syzat tústi eken dep, konsert kúnin aýystyrýǵa kelispedim. Myń buralǵan bıshi de emespin. Konsertimizdi kútken qanshama tyńdarmanymyz bar. Bas aman, aıaq jazylady Alla qalasa!» – dedi Qydyráli Bolmanov.

«Óz tizginime ózim ıemin»

Sonymen qatar, Bolmanov jylqyǵa qatysty aıtylǵan pikirlerge de toqtaldy. Ol óziniń ómirlik ustanymyn bildirip, eshkimnen aqyl suramaıtynyn aıtty.

«Bireý músirkesin, bireý taqym týraly aqyl aıtsyn degen maqsat joq! Qudaıǵa shúkir, óz tizginime, ózim ıemin. Jylqy qasıetti janýar, at tizginin ustap, aýylda ósken balamyn. Taqymyń tas bolsa da, tizginine ıe bolmasań – laǵyp ketesiń. Bireýge aqyl aıtýdan aýlaqpyn. Árqaısymyzdyń óz aqylymyz – ózimizge ázer jetedi. Ras qoı? Jylqy qasıetti bolǵanymen – ol mal. Alasy da, qulasy da bar. Bul – sıtýasıa! Shybyn shaǵyp ketti me, kim bilsin», – dep túıindedi sózin prodúser.