tengrinews.kz
Ózbek blogeri Qazaqstan aýmaǵynda Kaspıı teńizine kóligimen kirgeni úshin jaýapqa tartyldy
Ózbekstandyq bloger Ilhomjon Iolchıevtiń Qazaqstannyń Kaspıı teńizine jıppen kirgen áreketi ákimshilik jaýapkershilikke ákeldi. Ol 20 AEK kóleminde aıyppul tóledi.
Bul týraly Infohub.kz aqparat agenttigi habarlaıdy.
Bloger óz paraqshasynda jol talǵamaıtyn kólikpen teńizdiń jaǵalaýymen júrgen vıdeosyn jarıalaǵan. Vıdeo jelide qysqa ýaqytta kóp taralyp, jurtshylyqtyń nazaryn aýdardy. Keıinnen Iolchıevtiń Mańǵystaý oblysyndaǵy Bozjyra shatqaly mańynda kóligimen tikeleı Kaspıı teńizine kirgeni anyqtaldy.
Zań buzýshylyq anyqtaldy
Mańǵystaý oblystyq polısıa departamentiniń málimetinshe, bloger QR Ákimshilik quqyq buzýshylyq kodeksiniń 505-baby («Eldi mekenderdi abattandyrý qaǵıdalaryn buzý») boıynsha jaýapqa tartyldy. Oǵan 20 AEK, ıaǵnı 86 500 teńge kóleminde aıyppul salyndy.
Buǵan deıin de osyndaı jaǵdaı bolǵan. 2025 jyly Aqtaýdaǵy jaǵajaılardyń birinde Toyota pıkapynyń júrgizýshisi kólikti sýǵa túsirý úshin teńizge kirgizip, nátıjesinde kólik qumǵa batyp qalǵan edi. Sol kezde de polıseıler júrgizýshige atalǵan bap boıynsha hattama toltyrǵan bolatyn.
-
Almatydaǵy belgili "baraholka" bazarynyń 300-den astam saýdageri jumysynan aıyrylyp qalýdan qorqyp, óz konteınerlerin bosatpaı otyr. Bılik bul bazardyń burynnan zańsyz jumys istep kelgenin aıtady.
-
An Uzbek blogger faced administrative penalties and a fine for driving his vehicle directly into the Caspian Sea within Kazakhstan's territory.
