InfoHub Logo

Jýrnalıs Gúlbaný Ábenova áleýmettik jelidegi jazbasynda kásipker Tursyn Alagózov pen prodúser Baıan Maqsatqyzy týraly óz kózqarasyn bildirdi.

Bul týraly Infohub.kz aqparat agenttigi habarlaıdy.

Ábenovanyń aıtýynsha, qazirgi naryqta keıbir ónim óndirýshiler ózderi tutynbaıtyn taýarlardan da úlken tabys tabatyn jaǵdaılar jıi kezdesedi. Ol mundaı qubylysty synǵa alyp, qoǵamda jıi baıqalatynyn atap ótti.

«Adam ózi qoldanbaıtyn ónimderden mıllıon tabady. Tipti sýsyndaryn da ishpeýi múmkin — biraq sol arqyly mıllıardtar tabady», – dep jazdy jýrnalıs.

«Sesna» ónimderi men jarnamalyq aksıalarǵa qatysty syn

Sonymen qatar ol “Sesna” ónimderine qatysty pikir aıtyp, qaptamada kórsetilgen salmaq pen naqty ónim mólsheriniń sáıkes kelmeıtinin alǵa tartty. Onyń aıtýynsha, bul jaǵdaı tutynýshylar tarapynan senimsizdik týdyrýy múmkin.

«Biz etke arnalǵan qamyrdy kópten beri “Sesnadan” alyp júrmiz. Buryn da jazǵanmyn: qaptamada kórsetilgennen salmaǵy az bolyp shyǵady. Bul – adal is emes», – dedi ol.

Sondaı-aq jýrnalıs keıbir kompanıalardyń jarnamalyq aksıalaryn da synǵa aldy. Onyń pikirinshe, páter nemese qymbat syılyqtar taratý arqyly PR jasaý qoǵamda durys túsinilmeı jatady.

«Pıar úshin páter taratyp jatyr. Biraq ázirge ol úılerge eshkim kirmegen — adamdar tek sertıfıkatqa qýanyp otyr. Nege sonyń ornyna qyzmetkerlerge laıyqty jalaqy tólemeske?» – dep jazdy Ábenova.