tengrinews.kz
Parsy shyǵanaǵy elderi Ormýz buǵazyna qatysty málimdeme jasady
Parsy shyǵanaǵy elderi Irannyń Ormýz buǵazyndaǵy keme qatynasyn retteýge arnalǵan arnaıy basqarma qurý týraly bastamasyn moıyndamaıtynyn habarlady. Bul týraly Bloomberg agenttigine silteme jasap Tengrinews.kz habarlady.
Bul elderdiń halyqaralyq teńiz uıymyna joldaǵan hatynda: «Iran usynǵan baǵytty buǵazdaǵy qozǵalysty baqylaý áreketi retinde qarastyrý kerek. Bul baǵytty jáne Irannyń arnaıy basqarmasyn moıyndaý qaýipti presedent týdyrady», - delingen.
Málimdemede Irannyń kemeler júretin baǵytty óz aýmaǵynda belgilep, odan paıda tabýǵa tyrysatyny aıtylǵan. Sondaı-aq, komersıalyq kemelerdiń bul basqarmamen baılanyspaýy jáne usynylǵan baǵytty paıdalanbaýy kerektigi atap ótildi.
Buǵan deıin Iran AQSH-pen qaqtyǵysqa baılanysty 2,5 aıdan astam ýaqyt boıy keme qatynasy buzylǵan Ormýz buǵazynda kemelerdiń ótýin retteıtin arnaıy qurylym qurylǵanyn málimdegen bolatyn.
AQSH prezıdenti Donald Tramp Irandy Ormýz buǵazyn ashyq ustaýǵa, ótý aqysyn almaýǵa jáne AQSH-qa ırandyq ýran qoryn berýge shaqyrǵan edi.
-
Almatyda Raıymbek batyr kesenesin zamanaýı mýzeıge aınaldyrý jobasy toǵyz jyldan beri sozylyp, quny eselep ósken. Jobanyń tarıhy men qazirgi jaǵdaıy.
-
Bahrain, Kuwait, Qatar, Saudi Arabia, and the UAE have stated they will not recognize Iran's new body for regulating shipping in the Strait of Hormuz.
